乘騎距離:122.98KM 乘騎時間:6:34:14 早上起身就落去食個早餐 出發果時天氣幾好仲有啲太陽 我寧願比太陽曬到傻都唔想落狗屎比雨淋 而家都係天陰陰咁, 希望唔會落雨 呢個廢墟咁既物體好似係啲文物黎 有個牌做介紹, 不過係點就唔記得左 男人之石...... 嗯 有啲興趣 但係去到諗住去睇既時候發現要兜路, 所以廢事去睇 之前一路都都係向南既指示牌, 而家就轉左做向北 我一路向北, 離開_ _ _ _ _ 嗯... 又係海景 踩多個幾鐘有啲肚餓就去7-11 買啲野食 諗住食朱古力可以迅速回復體力 跟住過左陣 雖然變到咁樣, 但都係好好食. 冇問題 繼續一邊海一邊山, 其實幾舒服 呢到有三條橋, 舊左既就係隔離起過條新既 呢個係北回歸線, 但係...有咩咁特別呢? 我見識淺薄 仲要有好多強國人係到塞住晒條路, 踩都踩唔到 呢個保育唔錯, 唔想砍左棵樹就兜過佢黎起路 呢個像又有咩意思? 仲要有人幫佢笠個頭盔上去 呢條路好好, 雖然冇單車徑, 但地下都會有個標誌做指示, 提醒其他駕駛者 呢個漁港好靚, lunch 就決定係呢到食啦 個份量比平時食既大好多, 而且仲要好好食 食完飯之後就開始落雨, 而且亦有啲攰, 開始想休息 但係而家先踩左今日目標既一半, 仲有大約60KM 要踩 踩到個人有點洩氣 仲呢個都係單車旅行既樂趣之一, 雖然辛苦仲亦好開心 踩多陣之後愈落愈大雨, 淋到個身濕晒, 所以都少左影相 係呢個時候, 比我遇到呢到單車環島必到既地方 而且亦好激勵, 幫我打氣繼續踩落去 呢個石碑係為左記念我踩緊既呢條沿海公路完工, 因為工程好困難 影完相就出發!! 嗚呀你唔好咁對我啦好嘛!! 經過沿海既公路之後, 就開始爬山 一路上上落落既爬坡, 極度消耗體力 我想入去住下, 但係個感覺好詭異, 而且未到目的地, 所以就廢事 點擊圖片放大 路邊有一片梯田咁既物體, 好鬼靚, 等到成熟左之後應該仲靚 一路踩都有好多旅遊巴係身邊經過, 而且濕滑, 極危險!! 嗯, 非常好!!!!上斜呀! 點擊圖片放大 係呢條隧道入面都有劃分左條單車徑出黎, 好貼心 大佬你山泥傾瀉完?唔好玩啦 點擊圖片放大 +2 上山落山上山落山, 呢個都唔係問題, 最可怕係落山既時候路面濕滑,好危險 嗚呀好高呀! 個山上面仲有條天梯 落完山又上山 見到呢個路牌就好想打爆佢 斜度好低既上斜呀!!! 幾時先有平路可以踩? 呢個民宿個外觀好特別, 不過一定好貴 好大個車轆 係我影完呢張相之後上車準備踩 一踩個腳踏就比兩隻狗係對面馬路跑過黎追我 好彩, 呢兩隻都係欺善怕惡既唐狗黎 想冇事就要比佢更惡 我馬上轉身對佢用我可以發出既最大聲對佢大喝一聲, 兩隻狗就立刻減速冇追我 去到市區就開始迷路 搵左好耐下先搵到旅館可以住 問左下要800蚊, 問佢有冇得平啲 櫃檯個姐姐唔肯, 咁岩老闆娘經過 見到我個樣攰到成隻狗咁, 就叫個姐姐700蚊比我住 係到住兩日休息下準備上蘇花公路 搞掂啲野就落去食飯, 問下個姐姐有咩好食 佢又好好人咁介紹我附近有咩食, 比左好多推介我 最後叫左我去食鵝肉 食完番去問下個姐姐天氣, 蘇花公路, 太魯閣果啲野 佢又比左好資料比我, 又講下佢自己既經歷, 個人好好傾 係到同佢傾左好耐計, 十分好人 佢又係咁同我講蘇花公路啲神鬼野, 危險經歷等等 比佢嘯嚇親我點擊圖片放大 落完雨架車污糟到傻 幫佢抹番乾淨做好保養 搞掂完就食薯片睇電視, 休息下
