乘騎距離: 51.91KM 乘騎時間: 2:42:31 今日起身果時係到攤左陣屍先起身, 收拾好啲野就出發了 岩出發就見到呢個標語 嗯.... 都係安全啲好, 單車可以成日都有得踩, 但係命仔就得一條 踩左陣就遇到掃地既工程車, 搞到塵土飛揚, 仲要慢駛 唯有掩住鼻加速經過 但係都有好多沙入眼 點擊圖片放大 一路踩車見到既風景都係好靚, 而且馬路邊種左好多樹, 空氣都好清新 呢到係一個叫 "水往上流" 景點, 呢到呢條係向上既一條斜路 正常黎講呢到望到既水係應該向下流 但係隔離呢條水溝既水就係向上流既 不過睇相就睇唔出 想知點解會咁既朋友可以去google 下 沿途既風景都係咁樣, 左邊就係山, 右邊就係海 今日一日個天都係好陰, 之後就會落狗屎 有個地方叫成功, 只要努力不懈就能到達 今日打算踩到花蓮 12點左右買左三個包做早餐, 定係lunch? 食食下野既時候遇到一位台灣既車友, 傾傾下計發現佢都係環島ing 不過佢就係踩相反方向 有緣遇到就坐多陣傾下計, 交換情報 我發現, 佢帶既行李只有好少, 相比下我就好笨重 佢仲要有帶拖鞋!!!拖鞋呀!!! 我想著住拖鞋踩車呀! 點擊圖片放大 嗯? 咁快就日落? 而家先12點 冇錯, 12點鐘, 天色就好似日落咁 我心知不妙, 就加速逃走, 希望可以離開雨帶 但係, 呢個係mission impossible 所以, 我放棄左 呢到係一條單車路, 沿海而建, 所以風景好靚 望到前面咁遠既天空都係烏雲, 所就放棄掙扎, 慢慢踩欣賞沿路風景 十五分鐘後, 就開始落大雨 拿拿林係個拎個密實袋出黎放晒手機相機入去就繼續踩 濕滑既司機, 再加上一條粗心大意既馬路, 就好容易有交通意外 嗯....... ...... 都係小心啲好 係咁大雨之下, 個人淋到濕晒 而且單車既刹車都因為沾水而有點失效 刹車距離長左好多 再加上, 雨點打到身上好痛 所以決定要儘快搵地方住 另外, 由於落雨, 所以都冇拎相機出黎影相 單車旅行就係咁.一路都會遇到很多突發既事 但係呢個都係無法改變 遇到不如意既事, 就只可以在心中暗罵一聲, 然後就咬實牙關頂硬上 踩到成功鎮之後就去搵旅館 同職員講要住兩日, 希望兩日後天氣會好轉 我想埋架單車上房間, 但比職員阻止, 話我可以放係地下個停車場,唔洗拎上去咁辛苦 而主要原因驚我整烏糟個地下 我同佢講番, 要拎上去個保養, 而且保證唔會整烏糟地下 佢就放行了 到房間後就馬上放低啲野換衫沖涼 拎風扇吹住單車, 吹乾水份防止生銹 搞掂啲野就落街醫肚 呢到係一個小鎮, 商店唔係好多, 所以選擇很少 菜單 單車加腳架加風扇就成為土炮極速乾衣裝置 之後發現行程有啲趕, 而且呢到都冇野玩 就落去同個姐姐講取消聽日既房間 佢亦好快答應左, 退番錢比我, 而且冇收手續費, 好好人
