乘騎距離:73.20KM 乘騎時間:4:32:48 今日本身打算踩到台東就算, 距離應該好短 但係踩完先知有啲中伏 本來今日踩咁短距離係可以休息一多陣, 訓多幾個鐘 結果晨早流流就比兩個小朋友嘈醒左 我想訓多陣呀大佬sad 之後就拎部手機收伏左佢地, 我就開始收拾行李 走果時佢地都唔係幾想我走, 無計啦我要走喇 話就話係46公里, 但其實離市區仲有好遠既距離 係旅館到裝滿晒兩個水樽, 呢個天時踩單車真係要消耗好多水份 經過琴日既上斜煎熬, 我既體力已經全無 一開始就已經好攰, 對腳好似就斷咁 是但買個早餐食左就算 雖然一直都要上斜落斜 但係可以望到好靚既風景 點擊圖片放大 +2 雖然可以望到好靚既風景, 但真係好鬼曬 水樽入面既水都消耗得好快 岩岩經過7-11冇入去買到補給 踩緊上斜冇水飲再加上極猛烈既太陽 將最後少少水分開幾次慢慢飲 捱左陣之後就開始落斜 掛住睇景, 極危險, 好彩冇炒車 見到就即刻踩過去買水飲 我可唔可以放幾舊係到寄賣? 台東既海景真係好靚 到左成熟既時候應該好靚 好大個棒球場 今日終於記得去到火車站附近會比較多旅館可以住同埋比較平 點知....踩多左半個幾鐘去到個火車站 但唔係市區入面, 要去買野或者想周圍行都好唔方便 最後又要踩多半個鐘番去市區 搵左間旅館, 最後一間房比排係我前面既情侶住 唯有搵過第間, 比對情侶拎左最後一間反而係件好事 再搵過既呢間仲要比較平, 老細亦好好人 放低啲野沖埋涼就去左個夜市搵野食, 但係好多都冇開 同賣蔥油餅既檔主傾左陣計 佢見到我手上既曬傷痕跡, 就知我係環島既人 佢話佢之前試過揸電單車係台灣唔知係邊到去邊到(我唔記得佢講去邊) 已經好辛苦, 所以佢都好佩服我踩單車環島 佢自己都想試下, 但係年紀已大就放棄左 走果時同佢講個蔥油餅好好味, 佢都好開心咁笑 發現自己好耐冇食過D 健康既野食, 就去買D 生果 同埋垃圾食物 番去旅館既時候蕩失路, 又係條街到周圍走 拎住兩袋野食係到傻下傻下咁走黎走去 蕩失路既時候又比我搵到第二個夜市 呢到D 蒸餃好好食, 食完同個檔主講好好味 :P 稱讚既說話講多少少都冇問題, 覺得好食就要直接同人講 食完又繼續蕩失路 直到我見到個之前覺得好特別既廣告牌先記得條路點行 聽日就去呢個廣告牌既食店到食野 番到去就做廢青睇電視上下網 聽日就用黎休息,乜都唔做
