乘騎距離:94.31KM 乘騎時間:5:44:35 今日早上起身又賴左陣床先起身 琴日老闆同我講呢間房只係可以住一晚, 之後都比人book 晒 所以我今日要去搵其他旅館 希望可以係墾丁玩幾日先再出發 踩住架單車係墾丁大街一間一間咁問, 搵左成個鐘都冇房住. 全部都満晒 唯有走啦繼續踩, 離開墾丁 由於著住平時既衫踩單車係極痛苦既 所以我必須換番踩單車既衫黎踩先會好D 但係我又搵唔到地方換衫, 所以我要搵個隱蔽D 地方黎換衫 所以就係地方換衫就算, 望住個海黎換都幾過癮 我望到呢個路牌, 我仲好期待會有蟹既出現 到最後都係見唔到 岩岩一開始踩車就要上斜 琴日踩完百幾公里都未休息好就要上斜 踩完全日先知, 原來今日全日都係踩上斜 踩緊上斜既時候, 見到有個幾出名既景點, 就係台灣既最南點 就准備去睇下 去到先知中伏, 原來係乜都冇既, 又唔靚 就係得個平台咁既野, 同埋一個禁誌 睇左陣就走左了 走果時見到有椰子水賣, 100蚊4枝, 一路上見到都好想飲 拿拿林買4枝, 即刻飲兩枝 留低兩枝黎放係身後既袋降溫 無盡既上斜呀 上緊山既時候望到既景都幾靚 上到山頂既時候, 就到左一個好出名既景點----風吹沙 點擊圖片放大 +2 呢個景點既形成就係因為有好大風係海吹番上去岸上 將沙灘上既沙都吹到上黎, 就形成左呢個特別既地方 係馬邊上都有好多沙堆積左係到 另外一邊就係懸崖, 可以睇到好靚既海景 落完山之後就去左個好鄉村既地方 乜補給都冇, 早餐又冇食到, 餓到傻, 又晒 踩多成個鐘先見到有間7 仔, 真係好開心 lunch 又係7仔 今次入面既冷氣位比人坐晒, 唯有係出面坐親親大自然 由於呢間7 仔係D 鄉村地方入面, 所以平時D人冇野做都會黎呢到坐 食完飲之後又黎無盡既上斜, 再加上猛烈既太陽攻擊我 踩完今日先後先諗到, 自己冇中到暑真係幾好野 見到呢個路牌果時好開心, 即刻拎部相機出黎影 以為有成5公里既落斜, 原來先得勁短, 比佢fake 左 點擊圖片放大 最後就去左做深山大野人 可以享受一大段好長既落斜 係呢條路上面見到好多旅遊車係墾丁送人 一隊隊車隊咁 最後發現係送佢地去玩沙灘車, 山下有一個好大既沙地比人玩沙灘車 落完山就可以踩D 比較平既路, 但係都有上上落落咁 呢個時候已經口渴到死, 兩個水樽入面已經冇晒水 呢個時候比我見到有鐵馬驛站呢個救星 台灣既鐵馬驛站就係警察局, 可以比人入水同埋單車做簡單維修 佢地會提供埋一D 簡單既工具比人借黎用 我就入去問人拎水, 同埋去個廁所 入面仲要有凍水可以比我拎 點擊圖片放大 沿住個海邊踩真係好舒服, 又有D海風吹住 但係都係要上下斜咁都幾辛苦 呢棟係廢棄左既軍事基地黎 之後就要去挑戰壽峠-----長達20公里既上斜, 仲要完全冇平路冇落斜可以休息下 環島人士既必經之路, 出名在於真係好辛苦 黎啦我未驚過!!!! 上呀!! 係呢個山上面都有人係到種野, 不過唔知咩黎 踩踩下聽到有D 好嘈既聲, 望下周圍先見到原來有好多養蜂人既蜂巢係到 好驚會有幾隻飛出黎針我 點擊圖片放大 係呢個山上面好多好有原住民特色既裝飾物, 好特別 同埋係踩緊既時候, 有好多蝴蝶係身邊飛邊, 好童話feel 不過都有唔少係比車車死左 有D會停係馬路上面, 我踩經既時候就會飛晒係空中 可惜時間太短影唔到 踩到天都開始黑了, 但係我仲踩緊上斜 呢個時候既我開始感到到有驚 仲有1.5 公里就踩完了!! 踩多陣就到左成段路既終點----壽卡鐵馬驛站 睇好多人既環島遊記都會見到 想入去斟D 水飲, 但係冇開 係呢個閳門上面有好多人既留言 黎到呢到, 上斜既路段已經完晒, 就開始落斜了 呢段斜路落左成十幾分鐘, 真係好開心 落完山之後就開始沿住海邊既大直路到踩 諗住落完斜之後就可以搵地方住, 但係都要踩多陣 今日搵既呢間野有兩個小朋友 好鬼活潑 我去比錢既時候係老闆係收我600蚊一晚 老闆娘番到黎知佢收我600蚊 就叫老闆收我500蚊算, 退番100蚊比我 個老闆就極不情願咁比番錢我 到最後我都唔知係我係比其他人比多左定係比少左 同佢地玩左陣就好自然就入左我間房到玩 佢地個媽媽又比佢地咁做, 我係陌生人喎, 你唔驚咩? 好想咁問 佢地又拎左我部電話去玩 老闆娘, 姐係佢地個媽媽, 知道我係香港人之後 就同我講佢識講廣東話 同佢同廣東話傾左兩句, 我發現我原完聽唔明佢D 廣東話 準備去沖涼既時候先發現浴室既燈係壞左既 換左之後都係唔著, 最後就要去屋企私人既浴室到沖 之後就去食飯 本身係叫左一碟菜同肉, 個老細驚我食唔晒就將兩碟炒埋, 都幾細心 不過唔知最後有冇收貴到 食完就買D 野番去同兩個小朋友一齊食 佢地今晚就係到玩左成晚 直到佢媽媽叫佢地先走, 係到玩到成10點幾 諗住踩完壽卡之後休息一日 但係由於呢到冇野好玩, 所以決定聽日踩多幾十公里去個大D既市鎮到休息一日 PS: 台灣D 司機好好人, 成日同我打氣 有次比人嗶既時候以為係話我阻住佢, 最後發現個嗶嗶聲係有節奏既!!
