騎乘距離:103.72KM 騎乘時間:5:40:31 早上起身, 食埋琴日剩低既零食當早餐就出發 一開始踩既時候都唔知自己去左邊, 睇番地圖先知原來自己一開始係旅館踩出去果條路就係我想要搵既路 其實成條路都好闊好大條, 但係上面都係有好多車 由上午開始太陽就已經好猛烈, 晒到有少少頂唔順 由於好大太陽既關係, 個個等紅綠燈既時候都會呢埋係陰影下面 到左綠燈先會開始行, 所以就有好多人係距離紅綠燈十幾米之外既地方等 其實我住果到同高雄機場好近, 出發之後踩多個幾鐘就到 踩到黎呢到附近既時候, 有個啊叔揸住電單車, 特意慢駛黎我身邊同我傾計, 又同我加油打氣 呢到又有單車徑可以比我用, 雖然側邊有好多樹, 但係一啲樹蔭都冇 係咪因為太陽照射既角度唔同先會咁? 好大條單車徑呀! (其實我都唔知係咪黎) 但係呢條路只可以比電單車行, 所以側邊呢條都應該係單車徑掛....? 有遊樂場場既M 記, 周不時都會見到, 係入面係野應該幾開心 Lunch 又係7 仔就算, 諗都廢事諗 其實我都想食D 正常少少既野, 不過大多數果D 店舖都冇冷氣, 所以就唔係幾想食 點解呢D 橋可以咁長? 咁猛烈既太陽下面踩就好似比人乾蒸咁 經常都會見到有呢D 屋, 幾過癮幾得意 唔知呢間大學收唔收我入去讀? 踩多陣又熱到頂唔順, 入去7 仔偷下懶買兩枝野飲 一枝就即刻飲左, 另外果枝就放係單車衫後面個袋到幫個我降溫 但係踩唔夠十分鐘就暖左 呢個好似係店舖既招牌黎 但係點解要叫自己做傻瓜? 踩到去墾丁附近就開始見到有好多椰子樹既物體出現 踩踩下見到有幾架好似係路邊cafe咁既車仔 見到佢有賣沙冰, 熱到傻既我就好奇去試下 點擊圖片放大 其實望住個海黎食就真係好鬼正 個老闆同老闆娘見到我, 就知我係環島既, 加上又冇乜客人, 就同我係到傾計傾左好耐 感覺台灣人真係好熱情好客 比佢地問左我好多問題, 又同我講之前有個香港女仔自己一個踩單車環島, 個女仔真係好勁 沿住個好靚既海踩多陣之後 見到路邊有兩個踩單車既人同我揮手, 我以為佢地係同我打招呼 直到佢地同我講野先知原來佢地其中一個爆左軚冇打氣泵要幫手 幫佢地補完軚就一齊踩, 但係條軚都一直漏氣, 直到換條新軚先冇事 同佢地傾下計, 先發現佢地兩個係服緊兵役既 放假就出黎踩單車, 一樣係高雄去到墾丁 幫完佢地, 竟然話要請我食飯, 本來仲打算邀我去佢地住既旅館一齊, 但最後因為冇房而取消 真係有D 受寵若驚既感覺, 佢地真係太好人了, 我只不過係幫個小忙姐 途中見到好似鳯凰咁既雲, 好靚好特別 在墾丁既日落 同佢地約好左番去旅館放低D 野之後一齊食飯, 就解散了 佢地同朋友會合左先, 我就去搵旅館住 今晚住既地方好靚 放低啲野就沖個澡, 用WIFI 同facebook 同新識既兩位朋友約好地方就准備出去食飯 食完飯同一齊行下街就解散了 番去之前又去買杯勁大既珍珠奶茶飲 PS: D 用語同用字好似係比香港人睇 可能因為生活習慣唔同, 佢地係唔會掉入馬桶
