今日因為太攰而賴床左一個鐘 之後先起身落去食早餐 落到去人地個早餐時間都差唔多完 食緊早餐既時候發現出面落好大雨, 踩唔到車 同個職員傾左陣, 決定係到住多日, 係台南睇下有咩地方可以去玩 番上房既時候見到有張海報講下台南既景點 跟住個職員就介紹我去鹽山同埋去安平 之後上番房睇下電視等細雨啲先出去 等左陣細雨番就去搭巴士 去到就發現, 中大伏!! 成個景點園區乜都冇, 就真係得個鹽山..... 點擊圖片放大 +2 其實如果個鹽山係白色會靚好多, 真係中大伏 到左呢到冇幾耐就開始出太陽, 又熱又焗, 超辛苦 去買杯雪糕黎食, 好正 香港隻黃鴨既兄弟?? 之後因為太悶, 就行左去隔離既鹽博物館參觀 個外形幾過癮 入到門口見到有鹽味既奶茶雪條, 買左條黎食 點知又係中伏 想試下既就去杯奶茶, 落啲鹽落去, 再雪凍佢, 應該差唔多 個博物館入面有三層, 不過都唔係好大, 全部都係講有關鹽既野 咁就係個館入面hea左一個鐘 之後又要行番入去個景區入面, 因為得果到有車站可以搭車,但又要比門票錢 去睇下個時間表, 一日得3班車番台南, 距離下一班車仲有3個鐘....媽呀!!!! 咁都冇計, 唯有係個景區入面周圍行, 跟住入左去間記念品店 問下個職員附近仲有咩好玩, 傾傾同佢講我想番市區 最後佢就幫我叫左架的士去安平 不過好貴! 要500台幣, 但係就幫我爭取左啲時間去其他景點 可以趕係啲景點關既時間前趕到 落左車就樹屋到睇 間樹屋好大間, 由於長時間冇人理, 所以比榕樹佔據左, 就成為景點 點擊圖片放大 +5 睇番個介紹: 安平樹屋的前身是德記洋行的倉庫，後來在日治時期與德記洋行建築一同交由「大日本鹽業株式會社」使用。二次大戰後，該倉庫一度又被繼承的臺鹽所使用，但後來任其荒廢，以致於建築物被榕樹入侵、共生而成今貌。(from wiki) 之後就去安平古堡到行 行緊去既時候, 見到有間小販賣雞蛋糕(佢係咁叫), 間野個外表好特別 即叫即整好好味 我諗住間野係唔會走, 點知番去既時候已經唔見左 去到安平古堡, 係當年比荷蘭人佔據左地方黎, 之後鄭成功帶隊果黎打仗先拎番 之後又比日本人搶左, 而家呢個樣已經係經過重建既 點擊圖片放大 +5 之後去搭巴士番去, 發現架車上面大多數都係香港人黎 可能因為台灣人個個都揸電單車, 所以唔會搭巴士 番到買左杯木瓜奶, 係真係用隻木瓜同牛奶整, 但唔知點解好難飲 係旅館樓下既另一間大排檔食野,雖然個樣好簡陋, 但係啲野好好食 根據經驗, 通常個樣愈簡陋啲野就愈好食 裝修得好靚既通常都會中伏 完!!
