乖騎距離:67.59KM 乖騎時間:4:16:01 早上起身又要執野, 跟住就要落樓下拎番架單車 之後就將個袋放番上單車上面, 呢個過程係最痛苦既 因為個袋好重, 好易跌番落黎, 而家架車又好易失平衡 如果綁得唔好, 又會係踩車果時走位, 今日就係咁要停幾次車整番好個袋 搞掂架車就去面包舖到買包做早餐, 買左兩個造型好可愛既包 好得意既豬仔包, 企係人地門口到食完個包先出發 仲有淨番果個食唔晒, 就掛係手上面繼續踩 踩左十幾分鐘之後發現架車好難踩, 停低睇下原來冇氣, 就停低係路邊打氣, 順便食埋個包 點擊圖片放大 其實個包好好味 踩多陣就經過北回歸線, 唔知有咩意義 其實今日打算直接踩到去嘉義, 但發現太遠, 就決定踩到台南算 一百公里呀師傅!! 踩踩下車有人揸車經過, 竟然同拉低車窗同我講加油, 超感動 係香港唔會有咁既待遇, 啲香港人鬼唔望啲踩單車人快啲死, 唔好阻住佢 台灣人真係好熱情 沿住台1 線踩左陣發現有單車徑可以踩, 雖然條路好爛, 但會安全少少 發現一個荷花田, 啲荷花開左超靚 熱到頂唔順就去7-11 到抖下, 買條雪條黎食冷凍下個人 有諗過去買埋lunch係到食, 但唔係好肚餓, 就決定一陣先算 踩左好耐都冇乜好影, 悶到痴線 踩多陣發現條單車徑竟然比人block 左... 踩到2點左右極肚餓, 見到7-11 就狗衝入去買lunch 食. 其實佢呢到啲野都幾好食 踩到3點零就到台南, 開始去搵地方住 搵左間, 雖然要1200 一晚, 但係間房好靚好舒服, 仲有早餐可以食, 感覺唔錯 又要分離, 因為唔擺得架車上房間 沖完涼hea 下, 睇下電視玩下電話, 就到8點幾 跟住就落街搵野食 搵左間大排檔, 想入去食野, 但係個待應大嬸同我講, 我地啲野好貴哦! 姐係唔歡迎我啦, 唔食囉 去搵過第間野, 啲野食都好貴, 但係最重要既食, 完全唔好食!! 中大伏! 食完野就番去旅館到休息, 準備聽日出發
