乘騎距離: 103.01KM (頭份>彰化) 乘騎時間: 5:36:03 早上8點幾出發, 出發果時有少少陽光, 希望今天的天氣可以轉好啲 從旅館一轉出大路就是台1 線, 唔洗兜黎兜去 今日只要沿住呢條線踩就冇問題 出發時, 還處於未訓醒既階段, 就要開始踩上斜, 嗚呀不如一槍打死我啦好嘛 踩到上條天橋上面, 向下望就可以見到一大塊稻田 係台灣踩車經常都可以見到大大小小既稻田 上斜啊救命! 踩多一陣之後, 太陽就開始變劇烈, 拿拿林去間超市到買枝太陽油茶下先, 再曬傷就不得了 買完之後又開始踩上山, 攞命呀老細 上到山之後個風景又幾正喎, 又係一片片既稻田 上完一段辛苦既上山, 就有一段好長既下山路, 長2, 3公里, 好正 落完山之後就有一大段直路踩, 都算係咁啦 一路踩都見都有好多人係街邊賣黃色既西瓜, 就好想買黎食 之後..... 就去左買個黎食, 諗住買個細粒啲既慢慢係到食就可以食得晒 買果時問佢有冇刀可以幫我切開個西瓜, 佢話冇 就打算唔買走人, 再去搵過, 點知個西瓜放得唔好, 就趺左落黎, 趺到爆開左 雖然唔係我整趺既, 但都係買左佢啦 爆開左之後就唔洗切啦, 可以即食 呢啲黃色既西瓜就係咁樣種出黎 企係馬路邊慢慢食個西瓜, 但係都食唔完, 但係架車又冇位可以擺 唯有留番比老細, 拎唔走冇計啦 感覺十分白痴, 買左一個之後又食唔晒 一條又平坦又直既大路, 極度好踩 環島旅程中既第一條隧道, 好緊張! 入到入面, 好彩有劃到條線出黎比我踩, 比較安全 黎到呢條路, 太陽已經係正高空最劇烈既位置, 晒到痴線, 仲開始有啲頂唔順 踩多陣就見到間7 仔, 即刻入去涼下冷氣避太陽 係呢個時候又開始肚餓, 就買個飯叮黎食 估唔到個飯都幾好食喎 食完之後就休息吓, 避一陣太陽先再出發 唔知會唔會有天空之城係雲入面呢? 黎到一條好長既天橋, 下面又係好大片既稻田 踩到半路, 就出現左位單車徑, 路況唔錯, 就踩單車徑, 而且都比較安全 單車徑側邊就有火車路軌, 唔驚人會走上去既咩? 一路踩我都係要期待下會唔會有火車經過 到最後我先發現原來條火車軌已經廢左.... 過左條單車徑之後就踩左去工業區入面, 悶到爆炸, 所以相都冇影到 經過一條極~~~長既橋 踩左個幾鐘之後就去到條分叉路上面 可以由台17 線轉入139 線上面, 就可以去到彰化 睇下地圖發現如果一直沿台17 線踩就要到好遠先有城鎮, 但我已經冇體力再踩 考慮左一陣之後就決定轉去139線去彰化 比較容易搵地方住, 又可以去扇形火車庫到參觀 嗚呀, 狗衝去彰化呀!!!! 係台灣既路邊經常都會出現稻田, 有大有小, 小型既果種就好似係啲人拎黎玩園藝咁 踩多個幾鐘就去到彰化, 經過扇形火車庫就入去睇下先, 旅館都唔去搵住 入到去入面發現真係幾靚幾有特色 點擊圖片放大 +4 睇完之後就出發去搵地方住 係馬路上就會出現呢啲平交道, 火車經過時欄柵就會降下 有啲似秒速5厘米咁, 火車經過就會錯過左個女仔 係市區入面兜左半個鐘, 搵到第一間旅館, 只要800蚊就可以住一晚, 但係冇wifi 可以用 就去搵過第2 間, 雖然要1000蚊, 但係有wifi 用, 而且我已經極攰, 所以就係到住 今日踩一日車已經曬到咁既樣, 但係我已經搽左防曬油, 會唔會太過分? 沖個靚涼之後就落街去買野食 點擊圖片放大 全部都好好食! 食完野就睇下電視之後訓, 路線呢家野就聽日先算啦 :)
