由上年一直期待至今，終於出場啦- Laura Mercier Christmas Set!!! 上年見到佢地既Eye shadow sticks set時就好想買，(當時已買過一支正常size，用過覺得超級方便好用) 但思考左幾日打算去買時，就賣哂啦! (哭...) 所以今年一出，就走左去專門店敗家啦.... 一套有齊6支不同深淺、有閃粉或啞色的Eye shadow stick，底色及眼窩色都有，可輕鬆方便畫出眼妝。 首先有兩支可用作底色的顏色，sugar frost 閃粉較多，可做得更閃爍的效果。 另外有兩支啞色的深色顏色(Aubergine 啡帶紫色/ Ganache 啞啡色)，可以先上底色，再在眼線位畫上其中一款色，再用手指推開就可以當眼窩色眼影，如唔推開，當眼線都可以，不過要輕手一啲，唔好畫得太粗。 仲有帶閃的啡色(Amethyst)及墨綠色(Khaki)，可以化到大地色的簡單返工look或深邃的晚宴約會look都冇問題。 我真係好喜歡用Eye shadow stick，因為可以快速上妝，畫兩筆在眼面上，再用手指輕輕推開，由淺至深上妝，3分鐘就已經畫到基本眼妝。而Laura Mercier Eye shadow stick的顏色又靚，又唔易溶(未試過溶到眼底)。等左成年都覺得值得!!! 選了那Eye shadow stick set後，同BA姐姐傾左陣，佢用這個platelet幫我化妝試用。噢...一試又愛上了。 這套兩層的platelet有齊眼影、胭脂、眼線及化妝掃。眼影及胭脂都十分幼滑出色，最令我喜歡是那皇牌粉狀眼線，把掃整濕再拿那眼線粉畫眼線，可以畫出好實色的眼線，真的很不錯! 加上大鏡，方便帶出旅行/出差使用。實用度再次提高!! 把它們敗了回家後，現在仍興奮地不斷配襯使用，希望可以襯出實用妝容，之後再同大家分享!! *所有產品均是自購 **此分享只為個人感受，有需要時，可親自嘗試感受。一件產品的效果，不代表所有產品都一樣的。 _____________________________________________________________ 歡迎大家ADD我的FACEBOOK看更多我日常的小分享: Rever Ming
