在剛過去的重陽節假期，唔洗掃墓，就打算出去行下，食下野。 公眾假期的銅鑼灣餐廳人多位少，但又唔想食茶餐廳、車仔麵的快餐。唯有走去希慎試一試，起碼餐廳冇位都有FOOD COURT。 很好彩，黎到13樓呢間日式CAFÉ又唔係好多人，雖然有擔心過會唔會唔好食，但都總想試一試。 它們的食物都是一些日式CAFÉ的食物，而我同男人就分別ORDER了蕃茄大蝦牛油果意粉及雜菌漢堡排。 它們的賣相及味道都十分好! 軟硬適中的意粉，配上香草蕃茄，十分香口及食慾大增。還配上放滿全碟的大大粒新鮮牛油果，唔洗就住食，食到最後都仲有牛油果配意粉食。 漢堡排方面，一碟裡已經有沙津及薯條，男人說好似兒童餐般。但份量就不似兒童餐，唔洗加飯都食得夠飽。而且漢堡排肉質新鮮多汁，配上雜菌汁及沙津，食得均衡健康。 最後，我們再ORDER了一件朱古力蛋糕來試，不過就唔太好食，朱古力味不夠，其蛋糕又不鬆軟，唔打算再試它的甜品。 而這餐廳有一個美好的角落，小朋友可以騎Rudy跳跳馬玩，他們食完飯去玩，而大人就可以繼續慢慢進食及休息。唔睇唔知，上網睇返U HK的資料，原來這是限定cross-over，去到11月30日就完。(港活動) 這餐廳的蛋糕雖然痳痳地，但佢既主餐質素夠高，可以補償返。是一個不錯的一家大細去的餐廳。 希望大家喜歡我既分享! *食物全部為自費 Bo-Lo'GNE Café: 銅鑼灣軒尼斯道500號希慎廣場13樓1303號店 ____________________________________________________________ 歡迎大家ADD我的FACEBOOK看更多我日常的小分享: Rever Ming
