接著上篇帶咩護膚品去我的歐洲之旅，今次就講返我對那些物品有那些用品是感到驚喜及愛上。 1) Skintelligence Skin Perfecting Complex Skin Replenishing Serum 抱住戰戰兢兢的心情帶新野去旅行，今次朋友真係冇介紹錯呢支補濕精華。它的質地好似油狀，但又唔係油的質地。補濕力很强，皮膚好快就吸收了，同時馬上變得柔軟及充滿水份，使後續的護膚品很容易吸收。 不過，當地天氣真的太乾了，每次我都要用到5蚊硬幣的份量才夠。回到香港我再用，都唔會太潤，令我都想買返個貨size係冬天用。 2) Skintelligence Daily Moisture Enhancer 呢支補濕cream都在這旅程中令我愛上，水潤感十足，不論是早上或晚上用都ok，晚上用完第二朝唔會有油膩的感覺。不過，我會先用手推開warm up左才輕搽面上，覺得這會更易吸收。 同時，呢支cream我都有分享比男人用，返到香港後，我把它收起了，讓男人用返平日香港的護膚品，但佢時竟然話唔夠補濕，要我比返旅行個支佢用…um,其實男人同女人一樣，用過好的，都會想keep住用…下次都係唔好比好野男人用，免得用哂我啲產品…哈哈！ 3) NARS Skin Aqua Gel Luminous Mask 又一補濕大愛品，這gel mask可以在晚上洗澡後或早上化妝前用，雖然佢話可以當overnight mask 用，但我就唔喜歡，我通常都會full15分鐘左右便用紙巾抹去，再用化妝水好似清潔般再抹多次，後續就用返平日用開的面霜。 這gel mask的另一好處是可以一邊full,一邊搞其他野(通常去旅行又要早起又要趕火車，時間是好寶貴的)! 這旅程中我會隔晚用，令皮膚keep住有足夠水份，所以在10度左右的天氣裡，我都沒有乾到掉皮或爆裂面紅。 4) Dove Nourishing Oil Care Treatment Mask 呢個mask完全係驚喜，這盒野我買左好久，打算係歐洲當護髮素用，用哂就唔拿回香港。但佢真的是好驚喜，我每日洗完頭都用佢，佢真係令頭髮變的柔順及有光澤，我之前去salon比人搞到頭髮電爛左，髮尾係超級乾，但我日日用這mask竟然令我飛起哂既毛毛都沒有跑出來，髮尾都變得柔順，真係似去左焗油咁。呢盒平價hair mask真的令我喜出望外!! 所以今次旅行真的帶比我一啲額外的驚喜! 希望大家會喜歡我今次既分享。 [文章重溫- 去旅行帶咩護膚品? [歐洲之旅- 個人分享]：https://blog.ulifestyle.com.hk/blogger/reversky/2015/10/%e5%8e%bb%e6%97%85%e8%a1%8c%e5%b8%b6%e5%92%a9%e8%ad%b7%e8%86%9a%e5%93%81-%e6%ad%90%e6%b4%b2%e4%b9%8b%e6%97%85-%e5%80%8b%e4%ba%ba%e5%88%86%e4%ba%ab/] *所有產品均是自購 **此分享只為個人感受，有需要時，可親自嘗試感受。一件產品的效果，不代表所有產品都一樣的。 ______________________________________________________________ 歡迎大家ADD我的FACEBOOK看更多我日常的小分享: Rever Ming
