平日張枱放好多野，又有化妝品，又有護膚品，通常一趕時間，啲一支支既野就會好似骨排咁，一倒而下，全部亂哂，仲要花時間一支支企返好佢...咁可怕，其實要整理好簡單。 首先要買一些有一格格的盆或筆筒，坊間有好多又平又多款式的地方買盒子。例如IKEA或$12蚊店，又多款式又平。或者，中秋節快到，可以將月餅盒變成盒或盆來收藏物品。(我其中一個盆都是冰皮月餅盒來的) 之後將同類型/差不多高度及外型的物品放在相同的收藏盒，如 1- 化妝掃/眼線筆/睫毛膏就可以用筆筒，一支支企係度方便化妝時取。 2- 眼影可以平放，因為我覺得這樣放，啲眼影會冇咁易趺出來，冇咁易碎。同時又冇咁多高度限制，較容易處理。不過如果你有好多盒眼影，就會比較難找出來。 我這個眼影收藏盆就是月餅盒來的。 3- 胭脂/ 試用裝，因為我的胭脂唔算多，所以可以用Ikea 的膠盒仔都不錯，好似二十幾蚊就有3-4個，剛剛好可以一排排企係度。或者用它來收藏一包包及細細件的試用裝護膚品，都剛剛好。 4- 護膚都一樣可以用一格格的結構令它們企定定係度，唔怕手快快一推就推倒哂。 建議買一啲可以自由選擇間格的寛度的盒，這就不論那一個種類的物品較多，就將那一格整大啲。或者買本身都有大細格的款式，就比較容易就不同size的護膚品啦！ 整整齊齊，化妝護膚都快啲開心啲! 希望大家喜歡我的分享! *以上產品全為自購 ___________________________________________ 歡迎大家ADD我的FACEBOOK看更多我日常的小分享: Rever Ming
