如果要流落荒島，而我只可以帶1樣化妝物品，你會選那一樣? 我就一定會選眼線筆! 只要有眼線筆，不論畫內眼線/外眼線/上眼線還是下眼線，只要畫一筆，就已經可以由細眼變大眼，未訓醒的眼變精靈活潑眼神，鳳眼變圓眼或圓眼變鳳眼都得!! 眼線筆的重要程度如此强，就在此文同大家比併我用過的各種專櫃/開架的眼線筆 (今次講住pencil 類型，下次再比併liquid)。 <專櫃品牌> #1 Nars Longer Than Life Long-Wear Eyeliner 筆芯質地(5星為最軟): ☆☆☆ 防溶度(5星為最防溶): ☆☆☆☆☆ 顯色度(5星為最顯色): ☆☆☆☆ 易畫度(5星為最易畫): ☆☆☆☆ 感受: 它的筆芯軟硬適中，色澤都出色，畫上眼時，唔會cake住，很容易一筆就畫到尾。而且不易溶，每次使用都見唔到眼肚有色掉下。Very good! #2 Maquillage Eyeliner 筆芯質地(5星為最軟): ☆☆☆☆☆ 防溶度(5星為最防溶): ☆ 顯色度(5星為最顯色): ☆☆☆☆☆ 易畫度(5星為最易畫): ☆☆☆☆ 感受: 最大的感受是溶妝溶到好像熊貓般，其實佢又易畫，又夠黑，仲要是轉出來,十分方便! 也許就是筆芯太軟、太易畫，所以十分易溶。用不到半天，一定見到眼底出現黑黑的漬。講真，如果佢冇咁易溶，佢絕對可以做Number1! 可惜。 #3 Dior Crayon Eyeliner Waterproof 筆芯質地(5星為最軟): ☆☆☆☆ 防溶度(5星為最防溶): ☆☆☆☆ 顯色度(5星為最顯色): ☆☆☆☆☆ 易畫度(5星為最易畫): ☆☆☆☆ 感受: 筆芯較軟，很容易就畫到眼線，同樣都是可以一筆畫到尾。它的顯色度很高，在眼影上再用它畫上眼線，可以清晰看到黑色的眼線。它本身附有筆刨，唔洗另外配。 #4 Shu uemura Drawing Pencil 筆芯質地(5星為最軟): ☆☆☆ 防溶度(5星為最防溶): ☆☆☆☆ 顯色度(5星為最顯色): ☆☆☆☆ 易畫度(5星為最易畫): ☆☆☆☆ 感受: 雖然這支我只用來畫下眼線，但都感覺不錯。易畫及顯色，在剛畫完時，用棉花棒輕blend開都得，是做眼線及眼影都得的眼線筆。 總結：比較以上幾支，我會選Dior為Number 1 最好，因為它夠顯色的同時又易畫又唔會溶，唯一不足是它要用筆刨，唔夠方便。(當遇上趕時間，有機會刨唔切) 希望大家會喜歡我今次既分享。 *所有產品均是自購及親自在每天化妝用 **此分享只為個人感受，人人對眼都不同，有需要時，可親自嘗試感受。一件產品的效果，不代表所有產品都一樣的。_______________________________________________________________ 歡迎大家ADD我的FACEBOOK看更多我日常的小分享: Rever Ming
