黎明愛將文詠珊（Janice Man）個有米男友李冠峰，早排傳搭上模劉瑋欣（Vivian），搞到佢哋嘅七年之癢痕痕地，其間又傳JM同時裝品牌太子爺陳柏熹行埋，兩人多次被傳離離合合，不過原來佢哋復合咗啦。 JM與男友在商場內逛街拍拖，齋逛冇幫襯。 發現俾人見到， JM即同男友彈開九丈遠。 JM同男友分開過又各自傳過緋聞，但有情人終再度走埋一齊。資料圖片 《今日我至祟》 出得嚟飲茶，就預咗俾人影啦！ JM一見人舉機，就即刻甩開男友隻手，鬼祟到暈。 上周日中午12點， JM陪男友同疑似男友嘅屋企人，一齊喺葵芳廣場潮江春飲完茶準備離開，JM男友細心咁扶住啲老人家離開，之後男友忍唔住拖住 JM，不過 JM警覺性好高，發現有人影相即刻甩開男友隻手。 一對戀人送咗啲家人去停車場後就拍拖行商場，不過驚畀人影，冇晒興致，轉頭就閃。 我就話JM醒目到暈啦，女人幾紅都系假，最緊要搵個歸宿。不過JM最醒目都系執靚個樣，做少少微整形就已經成個女神樣，近年仲越來越似大美人李嘉欣tim。女神以前鼻扁扁，而家成個好西人xd,瘋女估計應該系restylane隆鼻，其他就應該無啦，不過我諗少少微整形保養都有既，例如botox肉毒桿菌注射/restylane透明質酸注射，唔系點同angelababy揮過？
