別以為沙漠地方只有沙，其實卡塔爾三面環海，從CBD開車1－2小時就可到達有水源嘅地方，仲有親親大自然嘅活動添！ 今次到北面嘅Al Khor 捉蟹，其實之前捉過2次蟹，每次都係跟人去，位置忘記了！今次嘅地方叫Purple Island, 比較易記，加上因為我仲未聽過這裡都有蟹捉，所以印象特別深！ 今次帶團的是菲律賓人，他們準備齊全，又鐵籠，又膠箱，大光燈 etc， 落水前女賓人問我們有無帶絲襪，因何防水母！嘩，依家先講，當然無啦！ 無辦法，照落水囉。。應該無咁多水母嘅。。。 落到水。沒什麼啊。。一直慢慢步行向海中心出發， 途中見到很多海藻，疑似珊瑚的漂亮生物，不以為意，沒有理會直行直過。。 蟹就只係做到幾隻，但係這種有殼海產就找到唔少！有人知到這叫什麼嗎？ 到了某個水域，雙腿漸漸感到刺痛。。。前行的賓人就說應是給水母刺到吧！ 同行友人說。那些好像珊瑚的漂亮生物，其實就是水母！ 大驚！一路向海中心來，四圍都係，完全無理會！大鑊！ 原來佢哋靜止時，唔係好似我地平時所認知有個半圓上身，下面有好多蘇蘇咁游游下。。。佢係會反轉咁瞓喺海床上，所以上面望落去就好似珊瑚或者花！ 就咁比佢厄咗！ 我們快快避開水母珊瑚漂亮生物群回程！ 賓人說，我們應是走錯方向，太多水母，所以收穫不多，但其他賓人團友滿載而歸， 大概3筒吧，太誇張！ 大家急不及待即捉即食！ 仲要學強國人踎喺度食添！ 仲又食又拎！ 返屋企再開餐! 清洗後 食飯前, 有蟹腳粥，蟹蓋蒸蛋，薑蔥炒蟹身! 正~
