關島除左年中無休 + 日日放送既藍天白雲之外 仲有咩係最出名呢? 梗係清澈蔚藍既海啦! (照片攝於海中央, 從未見過咁靚o既彩藍色, 一見難忘!!) 關島保育和公民教育都做得好好 沿著杜夢灣海灘行 7天入面, 我發現無論海水還是整個長長既沙灘, 一件垃圾都沒有!! 好乾淨 相比起香港既沙灘, 真係慚愧, 點解香港做唔到呢? 點解我地既海灘總係咩垃圾都有呢? 算了算了, 唔好講 d 咁倒胃既事, 講番關島先 我好想推介 ABC Club 呢個好好玩, 又可以玩足全日既地方 http://www.abcguam.com/en/index.html 我地當日行程係咁 : 10:00am ABC Club專車到酒店pick up 我地 (要先email 預約) 10:45am 到達 ABC Club (近關島南部) 10:45am 由Staff 安排屬於那一團 (當日好似有a, b, c, d 團), 每一團都係出海睇海豚的 11:00-12:00am 自由時間, 可以先食lunch (free), 或者玩下 ABC Club 水上設施 (free) 12:00pm 隨工作人員出發, 乘專車到另一碼頭上遊艇 (車程大概45分鐘) 1:00pm – 3:00pm 出海追蹤海豚, 當接近海豚出沒位置時, 船長會熄引擎慢行, 各人保持安靜, 以免嚇親海豚, 大家好守規矩. 我地見到3至4群海豚出沒, 真係一次難得既體驗! 海豚啊 ^^ 點擊圖片放大 +2 睇完海豚, 另一重頭節目 : 海中央浮潛, 個海好藍好清, 清到望得見水底, 我大住肚 + 唔識遊水又怕大海, 都忍唔住落水玩浮潛, 實在太靚喇 4:00pm 回到ABC club 玩水上設施 (非電動設施全部免費, 例如獨木舟, 水上單車), 阿仔玩得好開心呢! 見到d水有幾清澈, 有幾乾淨嗎? 陀著4月個bb的我 ....... 6:00pm 專車送番酒店 ABC Club 係一家大細好去處! 記住預留一日黎呢度玩啊 呢個 Package (Dolphin Watch + Snorkeling + Banana Boat + ABC Club facilities) = Adult US$70@, Child age 2-5 US$30@ 還有其他 package price 可參考這裡 : http://www.abcguam.com/en/service/package.html 鍾意刺激的話, 仲可以玩空中梳化和水上電單車. 但當時我陀住16 weeks BB, 老公唔比我玩危險玩意, 希望有機會去多次啊!!! Part 3 努力上載中....... ~ 待續 ~