啱啱個周未去左弘大嘅3D館, 之前其實已經去過一次, 但見最近有新野玩, 加上我家果件韓國人話佢啲friends覺得好玩, 唔知去唔去好就決定去左先算。 星期六出弘大, 比平日覺得更加多人, 可能係因為遊客加上本地韓國人都出晒黎嘅關係。我們先去食個brunch, 之前有提過果間超值brunch, 果次之後我有食過其他, 都係仍然覺得果間真心抵食。 食飽後, 出發去3D館……1點幾已經人山人海, 尤其係賣街邊野食果條街, 望上去都係人頭。去到3D館, 人數比想像中多, 除左遊客, 仲有唔少本地人。因為事前已經網上買左票, 所以都唯有照入去。 我跟佢地指示, 開始前先download佢哋個app, 之後入口開始已經有佢哋講果d效果 – 火山爆發, 效果都好逼真, 但要對位對得好, 效果先仲正, 可惜果日人多, 啲人係咁行黎行去, 我第一次拍又難就位, 係門口已經花左好一段時間。入到去後, 我拎住部電話周圍掃, 想快啲搶位拍, 但原來我傻仔左, 人哋有貼紙係旁邊, 寫明”AR MODE”… 咁即係可以拍到效果, 場內可以拍到效果位都幾多下, 但就要花啲時間等位同對位。今次因為要拍有效果嘅3D片, 所以逗留時間耐好多, 我個人認為先透過app去睇環境再去拍, 可以更容易對位同慳時間。其實佢門票價錢一樣. 但多左樣野玩, 我覺得抵玩左。 (因為唔識點整片, 所以借片用) https://www.youtube.com/watch?v=ecmPNTERj8Y https://www.youtube.com/watch?v=vLOJ5GNW36c 之後去左附近一間任食烤肉, 唔駛10000won就有三層肉、炸雞同大醬湯, 3種都係可以再添。我個人覺得炸雞反而好食啲, 三層肉有少少太油膩, 第2round已經唔想再食。呢間野可能係係弘大, 又係任食關係, 當日有唔少韓國人同遊客。 烤肉+炸雞+大醬湯任食 自從返工後, 唔想去人多地方, 少左出首爾, 食埋飯就已經想返歸休息, 覺得自己成個人都老左幾歲 韓國都係適合旅行玩、短期逗留; 一旦長住, 接觸多左, 見到多左真實面, 就會清醒, 睇清華麗包裝嘅內容其實都係不外如是。 又係開工時間, 終於好明白到韓國人中酒毒嘅原因
