睇返~原來自己有成個幾月冇寫blog, 咁係因為我最近開始有返工啦!!!暫算係長工, 但又唔係正式員工, 韓國職場嘅野以後再講。 今日想講我今朝一早經歷嘅”韓國春運搶票大戰”!!! 有留意開韓國應該都會知農曆新年同中秋係大‧大‧大節, 好似錯過左係死罪咁。每年呢d時候大家都博老命去搶票~搶機標(難得長假去旅行)、搶車票(回老家拜年, 雖知韓國北上南下, 有時需時3~5小時, 大時大節, 塞車更係雙倍計, 揸車的話會係折磨) 今年新年, 我原本打算返香港過, 因為幾年冇返, 但機票價都被搶高晒, 返唔成, 唯有改去奶奶家過年。 2017年韓國春運車票今朝6點正式開賣, 尋日睇新聞已經見到有唔少人係車站排通宵隊買票, 而我哋呢家就尋晚set好晒電腦, 今朝5點幾起身預備, 6點正就自動login, 但竟然係排到第19xxx位先可以入去系統買票, 仲要限得3分鐘去買, 心諗~冇病呀…………一朝早守住電腦到7點幾先到我哋, 但竟然我哋想要果d時間冇晒位, 3分鐘好快過, 都未睇完, 已經自動logout左, 再login時要再排過, 但已經到3xxxx位………呢刻勁想爆粗, 咩國家黎ka~好q顛!!! 依家唯有要再諗過其他方法, 第一位買票果位簡直係神級。今年算係我哋第一年有認真諗過去奶奶家過年, 所以去搶票, 之前幾年都係有票就去, 冇票就算, 今年我真係完全大開眼界(腦海即時浮出走難情景, 搶唔到票就只有係悲劇...), 不得不佩服韓國人歸家嘅心切。 其實諗下, 基本上韓國人大部份都有車, 但搶車票情況都仲咁嚴重, 可想而知, 新春期間交通係幾咁嚴峻。奉勸各位新春期間遊韓嘅朋友, 最好留係首爾or釜山, 唔好走太遠, 最遠係地鐵可以到嘅地方就好, 巴士出京畿道以外地方要有大塞車心理準備、火車除非搶到來回票, 否則唔好諗。 明天一早6點又第二輪開賣, 新春都未開始, 已經覺得好疲...香港都只係忙打掃、辨年貨, 但呢邊就......... (各車站今早的售票情況, 取自韓國新聞網)
