最近越美食係韓國大行其道, 餐廳越開越多, 但正宗gea就少之又少, 我老公知道弘大有間真係越南人開, 就拖我去食, 內部裝修好用心, 有越南(高級少少餐廳)味道, 價錢亦算平。我地叫左個牛肉粉, 牛肉魚旦粉同炸春卷。其中我最滿意係魚旦, 因為真係我食開gea魚旦, 唔係韓式魚餅, 我仲想問佢地係邊度買, 當然商業秘密唔會比我知。食飽後, 就拖我老公3D館。 初黎韓國時, 好想去均韓國好多地方, 於是不斷上網搵資料。其中見到3D館係推薦行程之一, 當時唔熟韓國, 只知弘大同仁寺洞都有類似gea館, 唔知去邊間好。時至今日, 我對韓國有番dd熟悉, 弘大果館就編入我list中, 而我亦攪清個名係叫特麗愛3D美術館 Trickeye 3D Museum 트릭아이미술관, 韓文依家都睇得明lu~ 之前有講過一直想去, 但搵唔到人。今次難得我老公要求去弘大新開gea越南餐廳食飯, 我就趁機拉佢去陪我清list。我仲預先印定優惠卷, 可以平3000won, 兩個人共平左6000won,一人入場費12000won。入面真係有超多影相位, 而比我想像中大, 因為之前見人講過入面幾迫下, 當日遊客有d多, 部份人氣影相位要排耐少少, 好彩大家都好守秩序, 會一個一個黎, 而且唔會阻人影相, 韓國影相景點黎講, 算係遊客最守秩序gea一個。雖然展品係3D, 己經好有立體效果, 但相影得靚唔靚就好睇揸機果位啦! 每一個展品我都堅持要影晒, 辛苦晒影相果位~嘻嘻 **勁鐘意佢個廁所位 參觀完之後, 我地就去在合井果邊一間韓式gea樓上酒屋(술집)。韓國平地啤酒依家分有300cc, 500cc同jar, 以前好似冇300cc, 依家應該迎合市場要求。一般韓國伴酒菜都係小食類, 份量比較少。我地兩個人3杯酒+2個小食一共20000幾埋單, 其實算叫得少 其實去韓國時, 除左café, 仲可以試去d道地gea酒屋, 唔係club, pub, 飲酒要量力而為。我曾經係韓國機場見到班香港團, 有個女坐住輪椅, 拎住個垃圾袋狂嘔, 我老公話呢個女應該飲多左, 我走近果班人偷聽到, 個女飛前一晚落club勁飲…唔知佢最後有冇上到機, 但我覺得真係好樣衰。
