係韓國己經不知不覺已經快要3個年頭啦, 一直都好想好想可以重返職場, 但奈何自己唔得醒, 一直浮游係韓文學習中, 仲仍然係半桶水都未到, 好羨慕d人點解可以咁快就咁流利。 可能你地會覺得working holiday 果d係度好易搵到, 只需中英文gea工大把; 但因為我身份係已婚人士, 所以會有時間性gea限制。 直到最近見左份對韓文冇要求gea工, 只需要中英同係辦公室返工。工作性質係對亞洲同外國客, 而且同一部門都係講中文gea人, 見工作環境冇韓國果種壓力同壓迫。於是就膽粗粗去申請, 面試都成功過關, 其實係一個大好機會比我再重返職場, 但我最後都冇接受。 因為係以外國客戶為主, 雖然辦工時間係10-7, 算正正常常, 但休期方面唔係跟韓國, 又係韓國已婚人士gea限制, 要以家庭為重。 眼見某d人妻係韓國都可以兼顧職場同家庭, 真係令我又佩服又羨慕。冇咩韓文天資gea我, 要將勤補拙, 加把勁……鬼叫自己住左係度。 以我gea搵工經驗黎講, 韓國搵工千祈唔好期望太高, 你地可能會話香港人工己經唔高, 但根據我係香港、新加坡工作經驗黎講, 韓國gea更低, 仲要扣埋一堆保險同稅, 收到gea只係更低gea人工, 可能某d公司可能會有唔差gea福利, 但同時你會被期望更賣命幫佢地工作。 我都係果句, 鬼叫我住左係度, 要調節自己面對現實……要麼出黎打工、要麼做少奶奶(但我冇咁gea命, 天生勞碌命)
