最近見到日本麥記推出香桃批, 呢個應該係限定係日本, 其他國家冇售。 呢一點令我諗起泰國之旅, 我同家果個差d因為粟米批而吵大獲。 事緣係咁……有人負責泰國行程, 所以好努力去搵必食gea, 而其中一樣竟然係泰國麥記”粟米批” 我果刻諗極都唔明點解會係必食!!?? 答案竟然係根據韓國blogger所講, “粟米批”係泰國麥記獨有, 其他地方搵唔到, 所以一定要食。 我即時反應係……”粟米批”香港好耐之前已經有!!! 我食過好多次, 仲有菠蘿批、紅豆批、芋頭批等等。我係唔介意食麥記, 而且鐘意麥記早餐; 但激氣gea係係韓國你拒絕食麥記, 去泰國就食麥記”粟米批”,仲要同爭辯香港唔會有, 我明明就有食過。 當下我有dd鄙視佢同韓國blogger, 佢地知道有幾多!!?? 真係火都黎……我用行動去証明, 立即上網搵相塞住佢把口, 但……韓國人係好固執, 佢地固有gea想法係好難改變到~fine~要食自己食飽佢 最終陪左佢去食, 而我一直保持沉默。 主角係粟米批 但應該係個天都想幫我平反, 回程時要停香港機場一陣, 因為深夜只得拉面同麥記有開。我地去麥記買少少野醫肚, 其中我叫左個菠蘿批, 咬第一口時……有粟米, 明顯唔係菠蘿批, 我機會黎, 我立即問佢點解菠蘿批有粟米, 一粒菠蘿都冇, 明顯就係粟米批 (我仲要大反應咁講, 堅持要換返我gea菠蘿批)。果刻我心裡偷笑 (你依家人就係香港機場, 大大個粟米批係你手上, 冇野好講啦)。 題外話﹕有冇發覺韓國麥記係冇類似蘋果批gea批呢