岩岩遊泰回韓後, 休息左幾日後就要立即備戰秋夕(中秋), 秋夕係韓國大節之一。香港中秋會一家團聚賞月食月餅; 韓國都會一家團聚, 但就係祭祀, 一大早煎幾多餅同魚等, 之後就幾日假期裡面, 男人就舒舒服受咁休息傾計, 女人就煮飯洗碗做餐死。所以韓國流傳”節日過後離婚上升”gea講法 我婆家位於麗水, 係韓國最最最南端, 來回一次都需要花上8個小時左右, 真係夠我來回一轉香港。通常呢d大時大節, 作為新抱都一定要返去幫手預備, 但幸好婆家遠, 每次坐車去到已經攪得7788, 而且d人都留唔耐, 所以我都只要洗下碗, 之後就預備呆係家。通常我奶奶都會叫我地出去行下, 因為咁難得咁遠黎到, 而且大眼對小眼冇野講~氣氛奇怪 麗水相信好少香港人會去到咁遠旅行, 2012年國際博覽會就係係麗水舉行, 所以個站名叫麗水expo站。麗水係海邊都市, 海產非常豐富, 但其實價錢同首爾差冇幾, 不過就勝在真係新鮮。 麗水expo站 唔知大家有冇睇鳴梁, 就係發生係麗水, 而李舜臣將軍就係麗水標誌, 係市中心會見到李舜臣將軍像同龜船, 去到海邊都會見到有龜船 將軍像 龜船 龜船 韓國每個地區都會有自己出名的食物, 但麗水出名d咩我完全唔知, 基本上依家對我黎講韓食都係一樣, 而連鎖餐廳有好多, 所以每個地區食都差唔多。 我個人推麗水夜景。 香港夜景係令人熣燦得令人贊歎, 但麗水夜景就係寧靜gea熣燦, 感覺好寫意同好舒服, 少了大都市gea焗促感覺 麗水夜景 麗水都好似其他觀光都市都一樣, 有觀光巴士(5000won), 3條不同路線, 車票可以係麗水expo站隔離的旅客中心查詢。我覺得呢個好值得一試, 因為唔需要花費太多就可以輕鬆遊景點, 而且可以自己選擇遊定唔遊, 觀光巴士只係車你到景點個站, 落唔落車自行決定 2日1夜遊麗水其實唔夠, 但因為住婆家, 有種無形壓力, 所以逃命要緊
