已經有兩星期冇寫文......之前講過我家果個將佢個暑假延後到9月，所以我地以實恵價錢展開為期10日gea泰國之旅(曾經提過7，8月份係韓國學校&公司暑假，機票會貴到顛)。今次9月份出發, 機票去返正常價位，旅行budget鬆動左。 遊泰期間有嘗試過寫blog or即時遊記, 可惜都失敗收場, 因為時間唔夠(連瞓都唔夠, 差唔多晚晚都2點先返酒店)。 之前d旅行行程一直都係我負責plan, 但今次因為我家果毎成日去泰國出差, 佢熟泰國, 所以比佢負責......但之後我有少後悔，我唔記得左佢係韓國人，我係香港人，我其實都應該要做功課。 其實成個旅行唔太差，但因為佢參考gea韓國旅行blog，所以景點同食物都係韓國人喜好為主。基本上泰國食物都差唔多，所以頭一兩日仲接受到，但去到第4日，竟然去食牛腩面(仲要係100bhat)，佢同我講韓國人d blog極推，我心諗你地係咪應該要食下香港牛腩面呢!!?? 另外韓國gea酒文化係旅行當中都可以體驗到，基本上夜晚去飲野都一定會見到有韓國人，但就反而冇咩見香港人。而且見都gea韓女都會dress up，明顯見到係有精心打扮。去親d地方都見到一堆韓國人，平時係韓國已經見住一堆真假難辨gea面，聽住一堆"蠢蠢蠢 or 唷唷唷"......連旅行都冇得比眼睛耳仔放假 所以之後我好極積去睇香港旅遊blog做功課，之後行程終於見返多左香港人。但食野方面仍然受到限制，雖然已經不停係咁食，但未去到盡興同開懷大食......不過都好慶幸唔駛係泰國食韓國野。唔知大家知唔知，韓國對泡菜、韓國辣醬等基本韓食gea熱愛程度都誇到去到邊都要食。 之到到購物環節，竟然係勁買牙膏......仲要係高露潔同黑人，之前有睇過d blog講韓人勁鐘意黑人牙膏，原來係真。我當堂覺得好攪笑，遊客到韓時，都會買牙膏，難道真係外國月亮特別圓!!??(諗返自已都好似係咁，我係韓國住，但唔食韓國拉面，反而係泰國買成箱面返黎; 而且每次我家果位出差，都一定要佢買面返黎......無奈笑左) 10日旅行返韓，其實反而覺得好疲，加上韓天氣變得乾燥，成個人就只係想瞓，變賴左......尋日係韓國秋夕連假開始，亦係勞動節開端，因為要一直忙住煮飯洗碗，無限loop。 不過近年按傳統走gea都只係老一輩，尋日睇新聞話，由於5日連假關係，假期第一日係離境高峯，需要提早3小時到機場。所以其實好多年輕一輩都會選擇旅行避節，可能再過多10年應該唔會再有節日候群症掛......
