最近迷上左日本gea短劇, 名叫”孤獨的美食家”, 呢套劇應該係2012年開始播 套劇係講主角因為跑業務而成日去日本唔同地方, 而佢一遇到苦惱焦慮, 就會突然覺得肚餓, 繼而周圍搵美食, 佢享受美食gea表情真係好享受好抵死, 又成日係腦海中自言自語 劇集提到gea店家都係一d小店經營gea食堂, 其中有集出現到搭枱情境, 我就同我家果個討論大家gea意見 係香港, 同3唔識7搭枱已經係事空見慣gea事, 雖然唔係咁鍾意, 但都會接受。我曾經試過係新加圾一條友食晚飯時, 一張枱搭左3個都互不相識gea人, 4個人一張枱都各自食自己個晚餐。所以當我睇到男主角被搭枱一幕, 我覺好平常; 但我屋企果個就話男主角同食客好奇怪, 點解同果陌生人同一張枱食飯。咁就開始我地討論, 係韓國有時見到1個人坐4人枱, 如果當時冇其他位都唔會坐過去。韓國人心底深處怕接觸陌生人, 會下意識避開, 所以寧願搵過第二間都唔願搭枱。除左係pub,club呢度地方, 有目的去識人就會主動搭枱 當我屋企果個韓國人嘴裡吐出一句”日本文化真係奇怪”, 我第一時間回佢一句”韓國文化不惶多讓, 甚至更難理解”, 我係冇心冒犯佢, 但至少我對日本文化都仲理解到; 但韓國文化, 可能就算住上3,5,7年都理解唔到, 好特別一個民族 韓國都有相類似gea節目, 最近韓國Olive台推出左”조용한 식사”(安靜進餐), 畫面係一個韓國人係鏡頭前好安靜咁進食韓餐, 由頭到尾都係好安靜, 全程係一粒聲都冇。
