之前韓國其實係冇所謂gea夜市場, 佢地有gea就只係24小時營業本地餐廳or飲酒地方 可以話係冇夜市概念, 但近期開始流行”夜市場”呢個名, 可能同韓國人旅行多~長見識~對其他地方食物接受性高左(佢地終於覺得食得入口 :lol: ) 唔知大家有冇聽過「首爾夜貓子夜市」? 3月開始係汝矣島漢江公園水光廣場, 每逄星期五六晚就有好多攤檔, 有食有玩有表演……呢種形式gea夜市只做到10月份。我諗係因為冬天太凍吧, 冇人想係戶外咁食同玩掛 呢個「首爾夜貓子夜市」我未去過, 而且興趣不大, 我曾經有去過水原(江南下下方、京畿道南部)係樂天百貨戶外停車場gea夜市……感覺麻麻, 冇咩特別, 感覺唔到台灣夜市gea氣氛 除左呢d韓國feel gea夜市外, 我留意到餐廳都玩埋一份。係江南見到有香港夜市場[홍공야시장]、弘大有台灣夜市場[대만야시장]、合井有紐約夜市場[뉴욕야시장]同西班牙夜市場[스페인야시장]。 呢幾個夜市場係餐廳名, 食gea唔係韓食, 而係餐廳名國家gea野食……所以都係韓國人幫襯比較多 其中我有去過弘大 – 台灣夜市場(弘大入口站9號出口, 購物大街直行到尾, 近合井, 因為係係2樓, 所以記得抬頭睇睇), 入面餐點都係台灣野, 但唔知點解會係配青島,而且有賣韓國啤酒燒酒, 但偏偏冇台灣啤酒……雖然餐牌全部都係韓文, 但近門口位有幅韓中對照牆, 所以冇有怕, 而且我懷疑係有會講華語gea員工(點解係懷疑? 因為見有一兩個員工個款似. 但唔肯定)。台灣夜市氣氛係有, 但食物都係差dd, 我個人應該有試過就好, 回頭就未必。 台灣夜市場 - 2樓, 梯樓口位已經見到個招牌 台灣夜市 - 內部氣氛 餐牌雖然全韓文, 但店內有中文menu牆 冇台灣啤, 餐牌上有珍珠奶茶, 但點時就話冇 位於江南 - 香港夜市場 而合井紐約夜市場就經過好幾次, 每次都話下次一定要試, 但往往真係要去食時, 就因為猶豫而轉呔, 因為次次去到都好多人係度等位；香港夜市場就計劃今個月搵日去踩場, 好好奇佢果menu同質素, 一般係韓國gea香港料理, 我都覺得係偽香港料理；至於合井西班牙夜市場就完全冇興趣hehehe……
