29/1/18 冷 桂林深圳之旅 2017 Sue & Raymond 9 - 14 Nov 2017 #thesweetestcoupleinguilin #thesweetestcoupleinshenzhen Episode 18 Finale SueSue旅程後感 文：Sue 編：Raymond 今次桂林trip真係一波三折， 不過桂林都真係幾靚，天氣好果陣真係幾舒服，某d地方直情同日本京都有d似 其實之前都聽過一d周遊列國過既長輩同事講過，中國內地有好多靚景，唔使去日本睇（我係窮J所以安慰下自己） 以前番內地都係去廣東省多，但都只係暑假同埋過年過節探親戚，其實完全無試過發掘內地既景點 其實去過北京同上海，我都幾鍾意北京，因為我鍾意研究歷史同古色古香既建築物 但由細到大，內地既壞新聞都係多過好新聞，所以一直對內地印象好差 但人大個左，對事物既接納性高左，同埋內地近年既發展真係今非昔比，番到深圳、北京同上海真係覺得好繁華，眼見今時今日既香港，優勢只剩下法治了（或許這也是最重要的課題） 眼見近年香港對內地人既仇恨情緒，都想講番兩句，理性d咁睇，其實內地既新生代同土豪係兩碼子既事，內地新生代有禮貌、有思想，我去美國exchange果陣，我有位上海roommate問我 “我知道六四，但你可以告訴我更多嗎？” 佢地唔係唔想知，只係無權利知 所以大家唔好一竹竿打一船人，傷及無辜的話，其實自問又同無禮土豪有咩分別呢？ 好喇我發完up瘋，今次同Raymond跟團去桂林同Teamlab都係要多謝佢❤ Raymond無一次令我失望， 好記得我地船遊兩江四湖果種浪漫，係桂林山水中攬住欣賞美景，有你就足夠了❤ 雖然旅程途中班團友真係好煩，但我同Raymond係桂林都留下左美好既回憶， 正所謂桂林山水甲天下，每一個景都靚到好似一幅畫緊仙景既畫咁，好適合情侶尼 下次希望可以去雲南❤ 但做少少預告，我地今年應該會去東歐，請密切留意 (編按：多謝SueSue為今次遊記準時撰文，去唔去到東歐就視乎實際情況啦(笑)，不過點都會去下旅行既~ 期待下次旅程！)
