3/12/17 晴 桂林深圳之旅 2017 Sue & Raymond 9 - 14 Nov 2017 #thesweetestcoupleinguilin #thesweetestcoupleinshenzhen Episode 12 Day 4 - 海底撈火鍋/瑞季精品酒店 話說高鐵返到深圳北已經晚上九點,點知大隊落車時有幾位團友走散左. 領隊唯有留響車站四處搵佢地,而我地就自行解散,搭地鐵離開. 其他人返香港,我地就去東門的曬布站,去今晚下塌的瑞季精品酒店. 成晚無食野,響高鐵只係食左啲桂林手信,返到黎又咁夜,已經由餓變到唔餓. 不過已經好夜,所以,一放低行李,就即刻出番去,搭的士去海底撈所在的金光華廣場. 平日晚咁夜去,已經唔駛等位,即刻坐低叫野食. 呢間海底撈係24小時營業,空間寬敞,環境乾淨,都仲係有好多人食. 我地兩個人,所有野食叫半份就夠,同埋就算叫一份都無平到,所以可以半份半份咁叫. 首先揀左兩格湯底,豬筒骨湯同埋蕃茄湯.前者清香,後者濃郁.豬筒骨可以用飲筒吸啜裡頭的骨髓,好滋味. 肥牛,黑毛豬固然要叫,好有肉味好好食,份量都唔少架. 海鮮方面叫左生蠔,魷魚以及海蝦.我想講隻海蝦好鮮甜好爽口超好味! 另外有墨魚滑,滑牛,醬爆丸,豆腐.再叫個手打麵,為既係拍低師傅響你面前表演. 最好笑係個師傅竟然真係失手,發發下成條麵發左落地,唔單止我地,連服務員都笑左. 醬料方面呢度有大量選擇,自己慢慢左溝右溝,仲有粥水同紅豆沙食,不過好稀,得個清字,唔好食既. 呢度又係果種一個服務員serve幾張檯果種高級餐廳服務形式,照顧得好細心體貼,不過就無之前啲人講咩俾個透明袋你入住部電話. 不過呢個waitress都已經好客氣,因為同Sue傾得投契,所以除左俾葵花瓜子同桔仔我地送口,仲私人送左盒炸角仔我地食,一袋過裝住俾我地拎走. 食到好飽,又食又拎,臨走梗係要參觀埋佢個廁所.因為已經過晒十二點,好多服務已經收晒,廁所都係普通既廁所,無專人服侍. 不過洗手盆都真係好多物資haha,你夠唔夠膽用呢度既漱口水,lol. 好豐富但唔平的一餐,一個幾享受的體驗.點都要返大陸食一次,香港就算有都覺得無大陸咁平. 坐的士返到酒店,呢間瑞季係一間泰式酒店,大堂好香的lemongrass,上到樓層都係偏暗,但房裡頭綠色格調都好靚. 同埋房間提供的amenities都係高質同靚既,所以我地統統帶走,yeah. 每次旅行最後一晚酒店例牌動作,鋪晒買左既野響床上影相,今次已經買少左野了~ 點擊圖片放大 +47