1/12/17 暖 桂林深圳之旅 2017 Sue & Raymond 9 - 14 Nov 2017 #thesweetestcoupleinguilin #thesweetestcoupleinshenzhen Episode 10 Day 3 - 晚上再遊陽朔西街 話說導遊好好,解釋酒店其實係有車,免費接送住客,來往我地入住的新西街國際大酒店及新西街大酒店. 由新西街大酒店,向前步行一小段路,已經去番陽朔西街步行街的起點. 好少可坐呢種兩側中空無門的砵砵車,望落覺得好危險,但架車行駛時其實幾穩定. 晚上再臨陽朔西街,呢度變得熱鬧好多,啤酒魚餐廳店員紛紛走晒出黎sell客,亦多左唔少遊人. 我地首先去食Sue恨左好耐要食的燒魷魚,加埋少少辣粉香口又惹味.呢度平過桂林正陽步行街好多. 再買左杯大大杯30蚊兩個人share既芒果撈,芒果肉好甜又多汁,幾乎食番出泰國的味道. 附近仲有檔賣燒鱆魚小丸子,大粒過香港市面見到果啲,一份兩粒,食一粒都夠晒飽肚. 我地臨尾仲響一間餐廳叫左份燒扇貝外賣,熱辣辣即刻食,唔錯唔錯. 狹窄的步行街人山人海,每間酒吧都開始聽到人歌唱彈奏的聲音,氣氛好好. 我地再向內街行,花燈小橋對岸有一個露天廣場,有少少商鋪及高級食肆,無乜點睇. 水池另一邊仲有另一條屬於商場既小食街,又有更多野食.不過我地都飽喇,所以就咁行下,穿番出去大街,沿路慢慢行番去新西街大酒店,再等酒店車返酒店休息. 點擊圖片放大 +49
