29/11/17 炎熱 桂林深圳之旅 2017 Sue & Raymond 9 - 14 Nov 2017 #thesweetestcoupleinguilin #thesweetestcoupleinshenzhen Episode 9 Day 3 - 陽朔西街/陽朔啤洒魚宴/新西街國際大酒店 遊覽完咁正既遇龍河之後,大隊終於入到陽朔市,夕陽西下,陽朔西街又是另一番風景. 旅遊巴先響食飯的地點落客,然後要步行接近十分鐘先入來到步行街,沿途大街都有唔少地道特色面貌. 最正係呢度俾我地見到間「KFD」炸雞及漢堡店,無錯係「KFD」,中文名歡樂堡,真係虧佢夠膽咁樣改名,服左佢,lol. 陽朔西街比正陽步行街窄,但面積應該相近,一路行到盡頭就係灕江. 步行街兩邊都係小食店,餐廳,手工藝店,手信店,之類的東西. 不過陽朔唔知點解係特別多外國人旅遊或聚居,所以西街有條短短的酒吧街,專為鬼佬而設,當然都好多本地人去. 我地發現呢度比想像中大,未必夠時間行得晒,所以走馬看花咁睇,一支箭行到裡頭,搵到條路落去灕江. 灕江乾塘到幾乎可以行落過對面岸,亦見到對面岸有車直接響江邊駛過,我地呢邊就唔少遊人沿住石頭攝水行到江中. 即使依家乾水,環境都十分優美,如果係正常水流量的話,相信一定燦爛到令人唔捨得走. 黎到桂林陽朔,就係為了看山水. 點擊圖片放大 +41 影左堆相,發現時間所剩無幾,急急腳衝番去落客點.其實路程都頗為遙遠,地圖顯示行路都要成十二分鐘. 其實頭先行西街都覺得奇怪架喇,因為為一直見唔到啲團友,可能佢地根本無乜點行,一早返左去. 結果我地都係遲左兩分鐘到酒店中菜廳,剛剛好遇著上菜,或者啲團友心諗呢pair人次次都係last minute先黎到,haha. 陽朔啤洒魚宴,得一碟魚其實食唔到啲咩,味道亦正常,唔係好覺得啤酒味. 不過陽朔係出名啤酒魚既,街上四圍都係啤洒魚餐廳,好似逼你點都要食一次咁. 因為我地今晚無去睇印象劉三姐表演,所以會跟車先返酒店,先攞房間,然後團友自行決定晚上休息抑或出外自由活動. 我地其實唔夠時間行西街,所以想夜晚再去行下,試下啲小食.所以同其他團友相約,攞房後一齊再去西街. 新西街國際大酒店,響外面望已經覺得好有傳統古色古香的氣派,大堂好grand,但睇得出舊舊地. 搭升降機上到樓上先shock,嘩?!間酒店黑媽媽既?! 因為我地住開光猛的酒店,逢親dark tone既酒店都唔揀.真係可以用黑過墨豆黎形容,你第一下會以為間酒店係停電,一係就以為入左鬼屋. 見到咁黑,我地真係嚇親,心諗呢間野九成九有鬼,呆左幾秒先出升降機,一出就係中庭,就好似井字型的公屋,可以見到樓上樓下四圍情形,先知原來層層都係無乜燈光,黑媽媽. 摸黑搵到自己間房,發現裡頭陳設都頗為舊式,同埋都係好暗.呢間酒店應該都好多年歷史,係我地住過最舊的一間. 入房後對環境個感覺一般啦,又未至於覺得呢度有污糟野既,佢係grand得黎都算舒服,只係啲野真係舊左啲,haha. 不過可能舊有舊既好,舊時啲野用料品質好啲,張床係好軟熟,訓得超舒服既. 住左幾晚,對大陸酒店的印象就係好多燈制,每粒制開一款燈,檯燈,吧檯,走廊,書櫃...一間房有成十個燈制,你逐燈啪都幾係野. 同埋呢度啲酒店係無雪櫃既,可能要call front desk先會有人送上黎. 就咁放低行李,我地就走番落酒店大堂,等齊人再次出發去陽朔西街. 點擊圖片放大 +20
