28/11/17 暖 桂林深圳之旅 2017 Sue & Raymond 9 - 14 Nov 2017 #thesweetestcoupleinguilin #thesweetestcoupleinshenzhen Episode 7 Day 3 - 世外桃源/十里畫廊月亮山/原生態農家宴 去到旅程第三日,又係朝早六點半morning call,七點早餐,因為今日check out桂林酒店,出發去陽朔.(不過遲左15分鐘,八點先出發,已經好好架喇~) 桂林坐車去陽朔,大概需時個半鐘.世人曰：「桂林山水甲天下，陽朔山水甲桂林。」到底陽朔風景有幾正,今日我地一探究竟. 進入陽朔,公路兩旁,望向更遠方,都係一座座連綿不絕的山脈. 桂林陽朔一帶的山都係奇形怪狀,同埋尖峰好細,細細座咁,似岩石多啲. 點擊圖片放大 +14 首先第一站係位於陽朔以北的世外桃源,可能因為星期日,景區人流相當多,都係來自四方八面的旅行團. 世外桃源顧名思義,係根據陶淵明所著《桃花源記》中描繪的意境所造.如果春天黎參觀,係咪真係成個園林都係桃花呢? 坐住小船,導賞員講普通話語速好快都聽唔清楚,都係專心睇風景影相算,咁岩又咁好彩坐響船頭,飽覽園區四周景貌. 小船途中經過一個鐘乳洞,裡頭漆黑一片,靜靜感受呢個湖同埋洞內環境,好有趣的體驗. 落船後,再響景區內一帶周圍影相同參觀,再用埋五星級世外桃源主題廁所,就離開上旅遊巴了. 點擊圖片放大 +83 繼續向陽朔進發,經過風景區十里畫廊,兩邊都係特色高山,配以田園風光,剎是美麗. 又遠眺著名的月亮山.座山中間穿左個窿,相信係侵蝕原理. 差唔多入到陽朔,先去食個午飯,其實我都唔記得呢餐叫做咩(我地呢班團友成日都唔理導遊講咩haha),應該係原生態農家宴掛. 咁食既野的確係幾平民農村風味既,有扣肉幾好送飯,另外有一味香芋拔絲,導遊特別提及要趁熱食,因為凍左就會變硬咬唔開. 其實就等於炸芋頭加麥芽,甜甜地幾香口,我都幾中意食. 點擊圖片放大 +17
