23/11/17 冷 桂林深圳之旅 2017 Sue & Raymond 9 - 14 Nov 2017 #thesweetestcoupleinguilin #thesweetestcoupleinshenzhen Episode 3 Day 1 - 兩江四湖 象鼻山 可能因為我地呢團人比預期時間遲左到桂林,當地導遊小楊將我地四日三夜的行程大執位,重新編排過. 所以,到埗桂林第一站,就已經去睇桂林的重點---山水.就係坐船遊兩江四湖及象鼻山. 所謂兩江,就係桂林最著名的灕江,以及桃花江. 而四湖,就係杉湖,榕湖,桂湖,木龍湖. 對我地呢啲唔講究,但求玩同睇風景既人黎講,其實乜湖物湖都分唔清,總之係湖就得啦! 可惜既係呢個季節灕江水退,乾晒塘咁滯,連船都入唔到,所以都無得觀賞,睇唔到灕江最燦爛之景. 觀光船大約可坐五六十人,遊兩江四湖好玩在你可以走去船尾,響外面感受桂林風光. 桂林呢十幾二十年大力推動旅遊業,開發左好多景點,包括近年啟用的兩江四湖觀光船服務. 我地艘船先過水閘,之後經過一座又一座橋,橋的底部都刻上壁畫或者經過設計的花紋.另外有好幾座大橋係仿傚外國著名的橋樑建築,例如金門大橋. 印象最深刻,係其中一座古舊啲既橋,橋身離水面只有1.8米高,企左響船尾露天既人,稍為高啲既都要踎低,如果唔係成個頭就迎面撞落橋樑. 另外經過湖水兩岸一啲遊客觀賞區,見到岸上的遊人及特色建築,我地雖然無得落船,但就咁睇都一目了然. 整個船程一小時,其實都幾快過,覺得最正既唔單止見到桂林中心一帶四圍的山水,而係響戶外坐船吹住風好涼爽好舒服. 加上呢幾日桂林天陰,陽光唔猛烈,影相都唔會覺得刺眼. 不過因為我地長期處於包廂外,掛住影相,無聽到導賞員講解,所以其實我地有無經過象鼻山都唔知,lol. 可能象鼻山要遠望先見到,而我地錯過左掛,haha.不過其實我地平時transit時響桂林市一帶出出入入,或多或少都會見到既. 點擊圖片放大 +44