21/11/17 冷 桂林深圳之旅 2017 Sue & Raymond 9 - 14 Nov 2017 #thesweetestcoupleinguilin #thesweetestcoupleinshenzhen Episode 2 Day 1 - 高鐵和諧號 11月10日,一大清早響民宿梳洗出門,趕上地鐵,準時8點半到達福田口岸集合點,正式開始我地既桂林之旅! 今次係小弟第一次join香港旅行社既旅行團,所以對所有野都覺得好新奇. 同埋因為係內地團,仲要係無野玩,齋睇風景既桂林,都預左成團人都係老人家或者中年人. 幸好云云三十幾人當中都仲有對年輕情侶,但都比我地大少少,haha. For大家參考,今次我地報既團係: 永安旅遊【純玩】貴廣「和諧號」 桂林、船遊灕江、陽朔、龍脊梯田 4天純玩團 (CGGWL04Y) 領隊帶我地先乘搭地鐵前往深圳北站,再等候10:50am開出的高鐵.心諗其實咁晏先出發,去到桂林都唔知幾點了. 有好多時間所以響大堂搵野食,行左一陣都無咩岩食,又無乜胃口,最後揀呢間「東方既白」食啲濕濕地既野,想令自己開胃啲. 佢自稱係肯德基姊妹品牌,叫左個拌麵加水餃套餐,再加杯奶茶,食完個人精神好多. 點擊圖片放大 +10 終於入閘了,真係發夢都無諗過自己有機會坐高鐵,因為一直覺得高鐵同自己好遙遠,平時只會新聞先見到. 因為去親旅行都係搭飛機,就算返大陸都唔會有咩機會坐高鐵.所以今次機會係難得既. 我地首先會坐到去廣州南站,再轉動車前往桂林北站. 深圳北去廣州南,大概30至40分鐘,途中會有兩段路可以行駛時速300公里,當然要拍片啦. 高鐵雖然高速行駛,但車廂入面好穩定,車廂亦好靚,還算新淨,都幾好既.不過就多人左啲,實在太多人搭,好多人買企位,企晒響通道. 去到廣州南,照樣響大堂稍候片刻,就轉坐12:22pm動車. 因為旅行社無法編配所有團友坐埋一齊,甚至因為車位太爆,結果有團友要各自分開坐,我同Sue係其中之一,因為年紀最細最易話為嘛. 領隊好識做,自動波請我地一人一支奶茶.其實辛苦佢就真,因為我地今次遇上一組為數十五人既野蠻團友,由響深圳搭高鐵開始就煩到旅程結束,仲搞到我地要寫信證明領隊清白,唉真係掃興,詳情會響後記分享更多. 雖然我同Sue張車票分開左座位,但我地都係坐同一卡車廂,只要同前後乘客夾一夾,我地又可以坐番埋一齊了! 誤打誤撞地,我地反而坐到一等座,即係頭等,第一卡,裝潢靚過後面二等座車廂,同埋呢卡有門隔音,寧靜同舒服得多. 車速太快,都無乜點樣窗外風景,不經不覺我地已經經過了不少城市,例如佛山,肇慶,賀洲等等. 去到陽朔,見到一座座奇形怪狀的山石,就知道桂林離我地不遠了. 動車車速較高鐵慢,最高只達245公里左右,坐左接近三小時,終於響下午三點幾到達桂林,就上旅遊巴即刻去第一站了~ 點擊圖片放大 +26
