14/7/18 雨 克羅地亞之旅 2018 Sue & Raymond 5 - 10 June 2018 #thesweetestcoupleineurope Ep.13 迷你國家首都機場/痛苦長途機返香港 Day 8 - 9 June (Sat) & Day 9 - 10 June (Sun) 離遠已經見到呢個機場好細haha,我旅行經驗唔多,呢個可算是我去過最細的國家首都機場. 不過裡頭網狀的設計都係好靚好現代化,好快check in入閘,響duty free shop兜個圈,就去隔雜食lunch. 一個好細既機場,禁區入面得幾間商鋪,一間duty free,一間餐廳,一間cafe,就係咁多. 善用手上剩餘的現金,叫左份牛扒及漢堡包,味道ok既,幾好食,同埋唔貴.我發現係香港先會咁癲,響機場/旅遊區/主題樂園掠人水. 呢個food court仲有雪糕同生果賣,都幾多樣化,不過就無人幫襯. 點擊圖片放大 +16 回程第一班機係坐番波音777客機,登機時先經過business class,梗係即刻留意下business class既細節,睇下值唔值得坐. 我地就揀左business class後面既economy,想講business class座位部電視係大部同高清到連我呢邊都睇得清楚. 想講搭完A380真係返唔到轉頭,我身型比較大份,A380大機真係舒服好多,波音777座位真係窄緊啲. 而Emirates阿聯酋航空出名飛機餐ok,野飲方面呢度有芒果汁菠蘿汁,都幾特別. 點擊圖片放大 +10 飛到國際中轉站杜拜,隔左一個禮拜又來到呢度,心情當然有好大分別,因為今次係返香港了,嗚呀~ 我同Sue講過,一日未返到黎杜拜,就算係Zagreb度過last day,我都仲當自己係旅行緊. 但依家真係黎到杜拜了,真係要接受現實,要back to hell了... 唔理咁多,去番duty free shop買番我地本身bookmark左要買既野先,包括腰果花生,紀念品等等. 依家係當地時間凌晨一點左右,雖然再次因為長途機同埋俾啲飛機餐搞到個肚唔舒服,但感覺係要食啲野落肚,所以走去一個food court,叫個意粉食. 其實已經唔知係唔舒服定係無胃口定係眼訓,個人已經無乜精神,都係夾硬支撐住,haha. 上番機,再次係A380,不過舊少少,唔係tablet高清熒幕,勉強睇多左戲,跟住都瞌下瞌下都唔知有無訓得著,就飛返香港了. 好佩服附近既乘客,咁夜坐機仲有精神睇戲,我就真係有心無力了. 差唔多到香港,但時間只係我地perceive既六點,就嘈醒我地派早餐了,真係唔想食,lol. 坐長途機真係幾痛苦下,以前讀大學,精力充沛,依家出黎做野,講緊係日頭返完工就即刻去飛,返到香港第日又即刻返工,無休息過,sosad. 不過A380都有個弊處想share俾大家,就係因為佢大機,載太多乘客,回到香港等取行李,真係等好耐,我諗我地等左大半個鐘,lol. 點擊圖片放大 +21
