9/7/18 驟雨 克羅地亞之旅 2018 Sue & Raymond 5 - 10 June 2018 #thesweetestcoupleineurope Ep.6 Split舊城區/Sue生日飯Apetit/狂掃桃汁 Day 5 - 6 June (Wed) 行番出黎,呢度係Split Old Town,舊城區,係一個細細地的古城,又係好多一棟二棟矮矮的石磚房子. 不過呢度既建築物好無規律,而且好packed,密密麻麻,所以響舊城區裡頭好多小巷彎路,而且通道都幾窄下. 因為多轉彎位,又多路口,搵想去的地方唔容易,但主要景點就唔難,因為呢度細,所以向住某個方向行就得. Split唔係我地最期待的地方,而且呢度相對較細,所以我都無乜點做research. 主要景點,Diocletian's Palace,中間有個廣場仔,有好多坐墊俾人坐響度聚會. Silver gate,Kinoteka Golden Gate,係響Google見到既景點名稱,但去到現場,都唔sure眼前既係咪就係呢啲景點. 因為歐洲所有建築都太靚太似景點,基本上是旦一座建築都可以成為打卡位. 不過Split呢邊既歷史遺跡就帶俾我一種少少頹垣敗瓦的感覺,你好明顯見到佢受破壞,殘缺的部分.可能係古時打仗時造成. 行出城牆,有個細細地既market,賣既野似女人街,衫褲鞋襪,生果,精品,唔知本地人會唔會響呢度買野呢? 再行入少少,就係Gregory of Nin,好似一個智慧老人咁,望住本天書,指導人民. 點擊圖片放大 +35 開始肚餓了,響海傍大道一邊欣賞日落風光,一邊步行前往我地晚飯的餐廳,Apetit. 因為呢餐係Sue生日飯,揀左呢間食餐fine dinner. 裝修好精緻的餐廳,因為響巷內而且上左樓,所以呢間生意唔多,反而讓我地可以享受寧靜浪漫的晚餐. 都未落單,通常侍應已直接遞上一盤永遠食唔晒的麵包.呢度有橄欖油黑醋蘸,所以食得幾滋味. 呢碗應該係南瓜定係蘿蔔忌廉湯?...我都唔記得左了,不過歐洲人烹調番西餐一定唔會太差,暫時我地都未飲過伏既湯,而呢個都係好濃郁好好味既. 水牛芝士意大利飯,最邪惡當然係芝士,拉絲架,撈埋啲飯食好正. 食西餐唔會走雞的牛扒,呢隻係乾身煎法,睇得出佢會整得好精緻,你見上菜裝飾就知. Sue特別中意佢果隻汁,好好味,我就覺得稍為乾身左啲,多啲汁會好啲,但就幾中意佢落埋青椒,幾開胃. 簡單的一餐,慶祝Sue響歐洲度過2018年的生日. 食完飯,轉過隔離就係SPAR超市,想響裡頭買少少野食for第朝早餐,點知俾我地見到我地響Dubrovnik飲過超好飲的Cappy桃汁. 諗都唔諗,好似啲大陸人咁,一手掃晒咁多支走,因為呢度超平,只係約六蚊支,須知道餐廳一樽仔都收緊你二三十蚊. 覺得簡直係發左達,因為香港唔會出現呢啲咁純正的桃汁,就算有都一定好貴,依家買咁多支返香港可以慢慢嘆,haha. 點擊圖片放大 +13
