5/7/18 驟雨 克羅地亞之旅 2018 Sue & Raymond 5 - 10 June 2018 #thesweetestcoupleineurope Ep.5 無端端踏足波斯尼亞/好正的Split Airbnb Day 5 - 6 June (Wed) 響Dubrovnik巴士大站上車,克羅地亞既長途巴士司機會收乘客行李錢,通常每件行李6-7kn,司機會幫你搬入行李架. 克羅地亞都有唔少巴士公司,有啲車隊新淨啲,設備完善啲,起碼有wifi,有啲就提供最原始的service,就係一個座位,僅此而已. 最長途的呢程,就係最普通最原始的巴士,所以唔駛諗咁多,一係訓教,一係睇風景,一係手機執相,覆下whatsapp. 克羅地亞係沿海國家,巴士會拍住海灣行駛,沿途海景風光美不勝收,真係靚到嘩一聲.全程不斷影相拍片. 行下行下,奇怪既事發生了,巴士慢駛下來,司機同乘客講"Passport Control". 心入面驚一驚,做咩無端端要check我地passport,好快巴士駛到一個關卡,其他車輛都排緊隊過關口. 有位關員上車,逐位乘客睇佢既passport,不過都算求其望一望,唔係太嚴. 我地check google map,先發現原來克羅地亞最南面區域係被鄰國波斯尼亞斷開.(正確國家名為波士尼亞與赫塞哥維納聯邦) 即係話我地由最南部Dubrovnik向北走,要先經過波斯尼亞領土,再入多一次克羅地亞邊境. 真係太神奇了!我地本身計劃去兩個國家,依家竟然可以入到第三個國家,有少少神秘感的波斯尼亞! 以為呢種過境形式應該幾大限制,因為我地無正式辦理波斯尼亞入境手續,過完邊境suppose係直接全車直駛去北面克羅地亞邊境,中途不得停留或落車. 但點知,更神奇既事情發生了!架巴士竟然駛到一個中途停車區度停低,呢度有間酒店同餐廳,餐廳下面係超級市場. 司機話大家有15分鐘休息時間,可去餐廳裡的廁所.竟然係咁,lol. 即係我地依家係真正踏足緊波斯尼亞,呢個叫做涅姆 Neum的區域. 真係要好好記錄呢一刻,真係有可能成世都唔會走入黎既地方. 15分鐘唔多,我地即刻走落超市睇睇,似乎呢度都專做遊客生意,可能平時有唔少遊客都陸路經過在此逗留. 以為會有波斯尼亞特色商品,但睇落都似乎賣緊啲普通貨品,無乜特別. 最正係響呢度又真係見到一個香港旅行團,個領隊仲催促緊啲團友快啲買夠野好去收銀俾錢,趕住啟程,haha. 好難忘呢一段短短的波斯尼亞歷程,可以話係一個意外的驚喜. 巴士再去到克羅地亞邊境,今次司機真係要收國際旅客的護照了,原來今次入境,關員係會再chop印. 換言之,我passport會有一個飛機logo既蓋章,再加呢個汽車logo既蓋章,真係好有趣. 點擊圖片放大 +20 再次入境,呢邊既克羅地亞有好多茶葉園,有山有海有草地,都係好靚,絕佳秀麗的山水畫. 兩位司機,合共大約四個小時的車程,終於來到Split 斯普利特. 因為Airbnb距離巴士總站有點遠,歐洲啲路係石路為主,凹凸不平,拉住重重的行李步行過去都有點吃力. 沿住海傍碼頭,再經過一條好靚好廣闊的海濱長廊,於舊城區裡穿插,終於遇到我地既房東Hana,帶我地上去位於二樓的獨立客房. Hana好熱情親切,好有禮拜同friendly,介紹晒房既設備,仲準備好晒地圖及附有旅遊資料的file俾我地參考. 另外佢仲送左支homemade紅酒俾我地品嚐,真係好好客.加上呢度好新淨,廁所用品都係幾高級,present到好似酒店咁,所以我地完全感受到佢既誠意及細心,好滿意呢度. 如果大家將來會來Split,可以PM我等我share呢間Airbnb俾你~ 點擊圖片放大 +20
