1/7/18 晴 克羅地亞之旅 2018 Sue & Raymond 5 - 10 June 2018 #thesweetestcoupleineurope Ep.1 好cute的機場/好cute的克羅地亞司機 Day 5 - 5 June (Tue) 承接捷克之旅,行程第五日,朝早輕輕鬆鬆check out同搭tram去類近metro站I. P. Pavlova.好唔捨得布拉格咁色彩繽紛的建築. 布拉格地鐵又係幾煩膠,車票分短途長途,一般車票如果拖住行李又額外要買多張行李票,好在我地拎住一張全日票,已包一件行李,唔使煩. 地鐵再到Main Train Station大站,一到大站就好驚,因為四通八達,範圍又大,第一次黎到的話,永遠都唔會識路. 今次都係咁,終於搞一大輪,問埋路人,先去到我地要去既大馬路既機場巴士站. Airport Express Bus好準時,10點半開出,只係25分鐘就到機場. Smart Wings地勤職員對我地兩個香港人坐呢班每日只得一班的內陸機由布拉格去Dubrovnik好似有一點疑惑haha,心諗呢兩個香港人飛去果度做乜xd Smart Wings廉航15kg行李control都幾嚴,真係超少少重都唔得,開左喼兩次,拎晒啲重野出黎,先過到磅. 入埋閘,因為時間緊促要去買野食,直接skip左duty free shop同商場,一支箭衝去food court,買個麵包上機食. 不過睇番Smart Wings機上雜誌,先知其實呢度既套餐都唔算貴,因為food court麵包都唔平,早知唔駛趕死趕命買野食偷運上機啦,haha. 其實係香港廉價航空先咁癲,咩都收錢仲要天價,水又唔俾,簡直變態.外國廉航起碼都俾番杯水你先丫. 點擊圖片放大 +20 個幾鐘頭飛機,好快就降落克羅地亞南部城市,杜布羅夫尼克 Dubrovnik. 一睇就知係個好細好cute既機場,成個停機砰得果幾隻飛機,仲要係細機haha. 拎埋行李,無去兌錢就即刻衝出去搵機場巴士,又咁岩真係遇到一架準備開出既巴士. 事緣我預先上網買左巴士車票,直接遞張QR Code紙俾司機就得,否則響機場又要排隊買車票. 最搞笑係個克羅地亞司機,企響車頭望住準備搭車既人,一直唔出聲,淨係捧住個印有英文字句的A4紙牌. 首先我地行到去佢面前,佢show個牌俾我地話去機場大堂買車票.跟住我想遞張紙俾佢睇,我都未抬起頭佢已經換呢一個牌話行李架響巴士另一邊,我真係既呆左又想笑. 呢個司機堅好笑,成個機械人咁,可能佢已經渣得太多轉,發覺呢個舉牌的文字溝通方式係最簡單直接,haha. 我咪推行李兜去巴士另一邊,想將行李放入車廂時,個司機又突然好急走過黎話"get ready we have to go now!"嚇到我即刻拿拿林安置好行李衝上車. 其實呢個司機堅正,進入市內途中,仲播住當地電台抑或本地歌曲,好有度假氣氛. 去到總站落車果陣,佢態度又勁好勁有笑容,幫我地拎行李之餘,又多次同我地say good bye,真係幾好人. 克羅地亞人感覺係比捷克人熱情,同埋更加對你好奇,可能因為實在少亞洲人會去呢度. 捷克同韓國簽左旅遊友好條約,所以多韓國團,但大家可能都知韓國人其實民族素質一般,去廁所唔洗手,連後生女仔都粗粗魯魯無乜禮貌. 可能捷克人見得太多韓國大媽覺得煩厭,加上佢地本身係東歐戰鬥民族,所以逢親見到我地呢啲亞洲人,都係會西你面或者表現得好有霸氣. 而克羅地亞氣候比捷克熱,Sue就覺得呢邊天氣再舒服啲,可能令到呢度既人唔會咁暴躁. Dubrovnik完全係個度假城市,所以大家都係開心輕鬆既,實在少亞洲人,幾乎無韓國人,反而有日本人,而最多既係歐洲旅客. 所以你響Dubrovnik,行路或者搭車,你會feel到身邊既人有少少打量你,以為你係外星人,haha. 點擊圖片放大 +22
