30/6/18 晴 捷克之旅 2018 Sue & Raymond 1 - 4 June 2018 #thesweetestcoupleineurope Ep.9 克魯姆洛夫 Cesky Krumlov/東歐戰鬥民族/烤豬手 Day 4 - 4 June (Mon) 捷克最後一個重點行程,就係距離布拉格接近三小時車程的可愛小鎮,克魯姆洛夫 Cesky Krumlov. 響民宿食個杯麵麥皮,急急腳出發搭tram到Andel大站,剛好meet到book左既9點鐘長途巴士. 我地響捷克克羅地亞會坐幾次長途車,咁多間巴士公司入間一定係今次呢間Student Agency最好. 首先呢架係豪華巴士,沙發座位闊落舒服,前面有熒幕可以睇電影,上網,遊戲,仲配埋耳機. 跟住職員仲會每人送杯野飲,咖啡奶茶朱古力紅茶,仲要幾好飲,唔夠可以再拎. 車上Wifi大致都算穩定,又有得USB充電,所以其實夠晒做,幾令人滿意. 我地係因為六月暑假期間前往所以車費貴少少,大約十零蚊歐羅,再遲啲七八月去可能再貴,而淡季就好似六七蚊有交易. 點擊圖片放大 +15 巴士唔會直接駛入CK小鎮中心,會響外圍一個好cap好簡陋的巴士總站停車.落車後跟住人行,沿山路過去山頭另一邊就到小鎮入口,中途已經可以離遠見到整個CK的模樣. CK舊城區於1992年被聯合國教科文組織定為世界文化遺產,係一個被致力保護的地方. 講緊係呢度好多建築都無拆除過,咁多年都係咁既樣,最多只係修葺補裝一下,可以話參觀緊一個千年古城. 而唔少連鎖品牌曾經想進駐呢個旅遊景點,最後都不獲要領,可見當地政府人民都好保護呢度既local文化. 點擊圖片放大 +9 雖然環境好靚好優美,但始終東歐人都有一種戰鬥民族的高傲冷酷特質,對自己民族有強烈的優越感,所以對外國人會比較冷漠,而對亞洲人,佢地甚至帶有啲歧視. 就例如我地去一間mark左想試的洞穴餐廳,因為網上推介唔錯,必食烤豬手. 不過我地可能落車後掛住影相,太慢先入到城鎮,去到餐廳時已經無晒位. 捷克餐廳又係好奇怪,佢無位果陣,一般會叫你響門口等,但唔會派籌又唔會set條隊俾你排. 即係要靠大家自律,佛系等位,緣份來了自然有店員出黎安排座位,仲要好彩唔好俾人混水摸魚打左尖. 但今次呢間餐廳,唔知係店員睇見我地唔順眼定咩,一個就叫我地企響門口等,之後另一個又叫我地唔會塞住門口. 但明明我地又見到有台灣旅行團領隊帶住幾個遊客一齊入左去,於是問多店員一聲,佢竟然直頭話無位所以唔serve,等位都唔serve. 嘩真係串過碼頭咕喱,激到Sue爆炸,我都好無奈,乜歐洲人原來係咁.明明識講英文但又唔解釋清楚,可以調轉講到係我地問題咁. 同埋佢地思想係超級直接,總之果一個moment餐廳無位,就唔再serve客,如果有位佢先會serve.對於講求效率的香港人,真係會嬲到想發癲. 點擊圖片放大 +3 一肚氣,索性唔食呢間,行過隔離另一間,又係話滿座唔serve,其實我懷疑呢啲出名餐廳已經做夠旅行團生意,根本不屑做我地生意. 行番出廣場,終於搵到一間有豬手,又大把位既餐廳,Krumlovská Fontána Cafe Restaurant.太肚餓,亦已經浪費左太多時間,所以即刻坐低叫野食. 呢間侍應服務態度好得多,唔知係咪因為無咁多生意haha,不過我食到尾段,外面露天座位都將近坐滿了. 嘩呢間環境咪仲正得多,對正中央廣場,欣賞四邊好有風格的建築,又有藍天白雲,坐響戶外又舒服,好過逼響洞穴餐廳黑媽媽啦. 不過呢間豬手味道一般,係炸過但無乜味,似水煮多啲,食番豬手本身的肉味而已,略為失望. 呢餐都有個笑料,話說食食下野果陣突然聽到砰一聲好大聲嚇親,原來隔離檯兩個韓國女仔切豬手果陣整跌左隻豬手落木地板. OMG~好慘,因為我見隻豬手仲有唔少肉,應該係開始食無幾耐,兩個女仔不知所措同好無奈,隔離檯朋友都笑了. 終於店員過黎,有人提議沖一沖隻豬手再拎番黎食,唯有係咁啦,但兩個女仔feel到自己好7,只能尷尬地笑. 其實佢都幾勁,因為隻豬手係俾個鐵架lock住,你唔出盡全力其實係唔可能整甩隻豬手,所以個女仔應該真係幾大力,haha. 再嘆住杯橙汁,望番周圍的風光,實在係令人陶醉的用餐體驗,人生無乜幾可. 點擊圖片放大 +12
