28/6/18 熱 捷克之旅 2018 Sue & Raymond 1 - 4 June 2018 #thesweetestcoupleineurope Ep.8 中伏煙囪捲/查理大橋/舊城廣場/又食日本野/夜景遊船 Day 3 - 3 June (Sun) 由城堡來到小城塔橋,呢度有一間聽講好出名既煙囪捲Trdlo,即刻狗衝去買,點知一時無睇清楚就中伏了. 都唔係雪糕黎既?!...拎到上手,先知原來呢間野主力sell果三款好靚既麵包卷其實只係忌廉黎,OMG~ 我專登忍口唔食雪糕,諗住今次試到布拉格既必食野,依家「得物無所用」,食之無味棄之可惜. 其實如果單純食個cream,真係麻麻地,同埋覺得成件事好肥膩,成筒都係cream同吉士醬,味道唔會好甜,但總之好奇怪. 至於個麵包卷就真心超甜,味道等於食緊donut,外邊鋪滿砂糖,又係咬幾啖就甜到打冷震. 所以我地係咁耳食左入面既士多啤梨同少少cream就算了.呢舊野真係好伏下,仲要唔平. 點擊圖片放大 +6 走過橫跨伏爾塔瓦河充滿歷史的查理大橋,於1357年開始興建,於15世紀初完成. 大橋長約五百米,橋上有唔少雕塑,將呢條橋響布拉格城咁多橋樑當中突顯出黎. 除左遊客,呢度都係唔少人賣藝,賣紀念品的地方.舒舒服服地行,盡情吸收呢度既人文風情.這就是東歐的味道. 點擊圖片放大 +12 回到舊城區,跟住人群前行,終於黎到布拉格重點之中的重點,無黎過呢度你唔好同人講話你黎過布拉格,就係舊城廣場. 我地之前一直行經的都係舊城廣場東面的Republic Square,但真正值得遊覽的是舊城廣場 Old Town Square. 舊城廣場四面八方都係旅遊名勝景點,主力有布拉格天文鐘,聖尼古拉教堂,提恩教堂,布拉格國立美術館. 對於無乜學識,無乜文藝修養既港男港女而言,教堂其實間間都差唔多,所以唔駛參觀太多. 如果有時間的話,本身係想上天文鐘的,但因為行左大半日太累,而且唔夠時間,要預時間食dinner同晚上遊船,結果無上到去. 因為果下覺得,上到去天文鐘望出黎咪又係城鎮果啲景,都估到係咩樣貌啦,費事上去了.就係咁,一念之差,我地就響廣場坐低休息下對腳先,實在太累. 不過依家諗番轉頭,覺得天文鐘其實係值得上去一轉,因為呢度都係好有歷史價值,無上去參觀有啲遺憾. 大家可以google一下天文鐘的歷史或起源,其實係一個幾特別的故事,了解左呢段故,就會明白點解呢座天文鐘咁值得大家前來遊覽. 點擊圖片放大 +22 今日既晚餐都係日本菜,因為日頭食左好多滯肚野,都係想食refreshing啲. 不過似乎響歐洲食日本野係錯誤既選擇,因為呢度食稀有既亞洲菜,一定會貴啲. Yami Sushi House,坐響吧檯,對住幾位日本師傅食壽司. 呢間格調高級好多,當然價錢亦貴少少,但都接受到既. 好精美花巧的辣三文魚卷,份量唔少既天婦羅烏冬,味道及質素都係好好,食得好滋味,好正既一餐. 歐洲餐廳一般唔供應水,如果叫still water太傻仔,焗住叫野飲.而通常啲野飲都係玻璃樽裝上,好細樽,得果200至250毫升,真係要好好珍惜,輕輕淺嚐. 歐洲係有較為純正既果汁既,響香港,咩果汁都係假,一飲就知加左勁多人工添加劑,好唔真實. 但我地響捷克同克羅地亞飲既云云眾多果汁,都飲到佢natural既味,仲要好香濃,真材實料,真係貴啲都值得. 點擊圖片放大 +10 穿過名店街及高級國際酒店,趕及黃昏九點到達碼頭,有50分鐘的伏爾瓦塔河遊船體驗.主要係睇河景,橋景及兩邊建築物. 揀呢個鐘數黎坐船,因為想睇布拉格的夜景,果然天慢慢入黑,欣賞到河兩岸的風光,波光粼影,幾好feel,又舒服. 晚上十點,天已入黑,就坐番tram返民宿休息. 點擊圖片放大 +26
