24/6/18 陰 捷克之旅 2018 Sue & Raymond 1 - 4 June 2018 #thesweetestcoupleineurope Ep.6 Pancake早餐好滿足/共產主義博物館 Day 3 - 3 June (Sun) 第一日響布拉格,搭車方面有點不順,所以夜晚響民宿用另一個app去再研究布拉格既交通. 同埋本身以為布拉格真係好似啲人所講咁walkable,諗住全日都可以就咁步行去下一景點,但其實呢度係比想像中大得多,一個街口都行好耐. 既然係咁,我地索性買day pass,一來懶,二來buy time,事關響布拉格真係太少時間.而day pass適用於metro同tram甚至巴士,其實係方便既. 由民宿步行到最近的I.P. Pavlova地鐵站,大約八至十分鐘左右.坐地鐵去Náměstí Republiky站,亦即舊城區. 捷克metro響古代其實係防空洞黎,所以好多地鐵站都興建於好深的地底裡,而超長超斜的扶手電梯依家成為了景點. 不過I.P. Pavlova呢個站既電梯就唔算好深,大家可以留意下之後我地去過既地鐵站,果啲電梯就堅長堅斜,而且行得幾快下,使用時都要小心. 點擊圖片放大 +13 來到舊城廣場外圍一帶,我地要食既係DEN NOC Cafe既pancake早餐. DEN NOC已經出晒名,pancake精美又好食,吸引唔少遊客前來,連當地人都會黎食. 等位期間同一個同樣等緊位的中國留學生傾左陣計,隔左陣終於有位,太肚餓唔諗咁多,就揀左一份breakfast一份甜pancake. 不過之後發現我地好似叫唔岩呢度最受歡迎既果款pancake,但其實我都係唔知果份係乜東東,anyway,我地叫既兩份都好味. breakfast係有乜炒蛋同煙肉,大食既我地另外再加蛋同肉,我覺得,雖然呢間野未必係主力sell炒蛋同煙肉,但有呢兩款野食,先算係早餐,先算係good morning! 野食製作需時,首先上左野飲.一支係好甜的白提子汁,無諗到都幾大支下,我就叫左杯熱朱古力,但真係被佢咁大杯嚇親,心諗點飲得晒呀,飲完實肥死. pancake好香好鬆軟,絕對唔係老麥果種好「粉」的感覺,會幼滑少少.煙肉都係鹹左啲,而炒蛋就好正,夾埋啲餡料連同pancake一齊食都得. 呢碟可能有啲普通,跟住既焦糖香蕉pancake就唔簡單,三層的pancake,上面佈滿香蕉肉,再加黑糖及焦糖,甜得黎又唔會太膩,呢個真心正. 另外又加左隻煎蛋,無諗到會係心形蛋,可見呢間野整野食都幾有心思.唔錯唔錯. 呢間野係朝早開到下午三點,為免野食售罄,所以建議都係早啲黎食. 點擊圖片放大 +12 行番去Republic Square,無諗到我地一直都仲響Republic Square呢頭浮遊,都仲未去到著名的舊城廣場. 響路中心一檔報紙檔買左磁石紀念品,再響番BILLA超市買水,諗住出發去下個景點時,我順便介紹呢度有間共產主義博物館俾Sue. 無諗到Sue對呢個博物館好有興趣,既然咁想睇,就調一調行程,陪佢參觀呢個共產主義博物館. 共產主義博物館入場費係290CZK一位,入場會送張coffee coupon,不過我地剛食完好豐富的早餐,就唔去飲了. 進場口係馬克思雕像,入到去係介紹共產主義的歷史及發展,當中的主要人物生平,以至共產國家人民的生活,等等. 對歷史唔熟悉的話,對當時民生或會感到興趣,呢度陳列了當年的食物,日用品,錢幣. 細心閱讀文字導覽,會更清楚了解當時共產主義係點樣運作,人民又點樣過活. 去到尾段,德國柏林圍牆倒下,1968年布拉格之春民主運動,就發生響我地前一日踏足過的Wenceslas Square. 最後行埋紀念品店,Sue有讀過歷史,對呢度一啲富有諷刺色彩的精品特別有興趣,水杯,postcard,都買左啲留念. 點擊圖片放大 +40
