22/6/18 雨 捷克之旅 2018 Sue & Raymond 1 - 4 June 2018 #thesweetestcoupleineurope Ep.3 初嘗東歐人文風情 Day 2 - 2 June (Sat) 又響機上睇左兩套戲,但都唔知有無訓得著,迷迷糊糊,食飛機餐食到肚脹脹,可能我唔太岩坐長途機定咩,總之就唔多舒服. End up都順利來到捷克布拉格,響機場兌少少錢for airport shuttle,拎埋行李出黎大堂,走去搭shuttle. 大約半小時車程,於Main Train Station落車,一路行去Airbnb所在之處,都幾遠下,仲要唔少斜路,拖住行李行都幾辛苦. 落車附近係正修建中的國家博物館,另一邊係聖瓦茨拉夫雕像,呢個廣場叫Wenceslas Square,兩邊都係商店,其中一個遊客集中地. 響歐洲搭巴士係另一種玩法,一係你預先買定一張無限搭乘的車票,一係就買定張車票上車打票,總之你要揸住張紙響手,聽聞布拉格查票都捉得幾嚴下,仲專揀華人落手. 不過貴啲既機場巴士就可以上車直接同司機買車票,咁就簡單得多.反而布拉格市內搭tram,係無得直接上車俾錢,最荒謬係站頭又唔會有售票機,即係你係完全搭唔到車,要走去老遠既地鐵站先買到飛. 而更慘係,地鐵站既售票亭舊到只接受硬幣,紙幣又唔吞,好難得先響某啲大站遇到啲接受信用卡paywave交易既售票機. 所以,響呢個國家搭車睇黎都係煩煩地,唔太旅客friendly. 另一方面,東歐人感覺上係cool少少無美國人咁有熱情.連Airbnb房東都唔會主動迎接你,係靠自己取匙check in. 因為我英文差,睇唔清啲指示,搞一大輪都唔識開門,終於call完房東再texting,輾轉先入到屋,lol. 間房係ok既,空間夠大,除左啲油畫比較怪誕外,整體都舒服.另外共用的廚房及浴室設備齊全,環境美觀. 不過feel到隔離房既人係比較獨立,唔想同你碰面打招呼,等你用完廚房走左先會行出黎.同我當年響美國完全唔同. 但其實問心我都唔想花時間同flatmates social,haha,因為本身已經好疲勞了,爭取時間休息同出去玩好過啦. 點擊圖片放大 +29