22/6/18 雨 捷克之旅 2018 Sue & Raymond 1 - 4 June 2018 #thesweetestcoupleineurope Ep.2 睡眼惺忪遊杜拜機場 Day 2 - 2 June (Sat) 響空中睇左兩套戲,凌晨時份,黎到阿拉伯聯合酋長國,杜拜國際機場. 平時成日聽friend講黎杜拜轉機,有時仲見到人走出去杜拜黎個短途遊,睇下哈利法塔之類. 我地唔算好彩,來回兩程機,黎到杜拜都係凌晨黑媽媽既時間,完全望唔到出面係點. 成個Terminal 3都專屬Emirates,個航班資料顯示屏清一色Emirates,真係夠晒巴閉,原來Emirates又真係杜拜政府全資擁有,咁你國營航空又真係無得好講,係勁既. 黎到機場商場,即刻感受到呢度既土豪風,全部櫥窗都係金碧輝煌.機場裝修唔算十分高貴,但都好新淨好大. 雖然落機後開始眼訓,行多兩步都攰攰豬,不過都爭取時間,行晒呢度既鋪頭,當中有啲其實係重複,所以幾個鐘既候機時間其實係行得晒呢度. 首先當然係Sue好緊張既duty free shop啦, i mean化妝品專櫃,睇下呢度會唔會平啲,end up計出黎個數好似差唔多,最多平少少,唔算特別好抵,有啲仲好似貴左添. 其次係乜都有得賣既紀念品店,率先bookmark定想買既精品,回程返黎果陣買,haha. 想分享既係呢部特大升降機,有啲旅遊blog都介紹過,你望落呢部升降機有兩隻門,但其實係屬於同一部升降機黎,兩邊門都入得. 真係大得誇張,其實我好想試下搭,不過果度好似寫住passport control定咩,都係唔敢亂黎,望兩眼算. 仲有杜拜既麥當勞都值得參觀一下,呢度都已經發展到有自助購買機,無豬柳就變左雞柳,唔貴架喎,反而甜品貴,最搞笑係有香蕉賣. 行到七七八八,天都開始光,隔住塊磨砂玻璃睇杜拜的日出,再行去轉機. 原來呢個Terminal真係好鬼大,我地登機既C區閘口,要行到好遠好遠先去到,唔怪得剛才落機時水牌寫要行20分鐘啦,lol. 不過呢邊可能係新擴建而成,整體配套設施麻麻地,機場wifi連唔到,連廁所都要行山長水遠先搵到,仲要唔夠格數要排隊,差啲搞到上唔切機. 機場商鋪大多數係由機場規劃及分佈,清一色咁既樣,無乜獨立既品牌或者特色野睇.所以,整體黎講,我覺得呢個機場算係中上啦. 點擊圖片放大 +35
