今日起身時又走去偷睇下Fu成點啦。一早走去望下時，見到媽媽係度Fu緊。有少少感覺奇怪，因為通常係爸爸日頭媽媽夜晚。但今日我發現有d特別。朝早到換更時媽媽居然重係度。但中間媽媽走開左一陣，可能去搵野食。咁趁住佢地唔係度，我就又走去偷睇一下啦。重申：開窗~再保持距離。唔好掂到任何野。結果我就發現……………啊啊啊啊啊啊啊！多左一粒蛋啊！！！！！！ 但通常根據調查發現。兩隻蛋都出世既機會係好細…通常得一隻出到世…同時，我其實好擔心個巢會爛，因為其實塊布個底係有個小洞…雖然應該唔係好大但係其實而家係用緊樹枝去撐住蛋。第時如果出左世，都唔知BB會唔會掉落去…但無用，做哂research後，得出結論，生死有命，唔好人為插手。雖然我真係好想整靚d個巢同比下少少糧佢。但有可能會沾到人氣後媽媽棄蛋。又可能比糧會引其他雀黎攻爭食。加上人為影響，對生存都唔好。所以我得出結論就係，唔好插手。希望唔好有咩事啦，唔係我真心會sad好耐。第一次見証小生命。重要咁多家唔揀，揀我地屋企。我住2x樓。咁都上到黎。真心祝褔小生命順利出世。媽媽要加油呀~PS：媽媽超負責，Fu到而家，阿爸只係短暫係媽媽忍唔住出左去搵食既中間1個鐘黎左陣。之後媽媽又翻黎接翻手。
