<<Day 1 >> 3月20號-春分 話說。尋日春分。有一對夫婦黎我屋企天井位度生蛋。春分第一粒春！.因為天井個窗長年唔開。所以原來之前有件衫掉左落黎都無為意(屋企人話掉左落黎好耐，但從來無人考慮過開窗執走佢=_=…OMG)....結果近日不停聽到咕咕聲…走去𥄫下先發現，原來有對小鳥鳥不停飛過黎，已經飛左黎視察幾日了。通常係朝早6點半左右就一直有咕咕咕咕叫。一開始我重思考緊，成20幾層樓高都飛到上黎，真心勁…我以為佢只係黎休息下，但連續幾日咁黎。我已經覺得，咦…？唔通想築巢？結果尋日春分，一大早(對，我又通頂，所以發現到)。今次唔係一隻，而係一pair夫婦咁黎左。我就繼續估…唔會係築巢掛………之後佢中間兩隻都飛走左一陣，我就打算開窗睇下…一開窗…oh…真係築巢啊啊啊啊啊！點算好點算好點算好………我未遇過啊！！！！！！！重要係件爛衫度築啊！！！！！.跟住我即刻關窗。上網做research。研究一下資料。 過左一陣，佢地翻黎了。之後媽媽一黎坐左係度就成6個鐘都唔郁…之過左傍晚後......突然兩隻一齊咗去。可能去執樹枝？總之就突然個巢空左…隔窗望左陣。見佢地唔係度，我就好小心咁開窗。好小心好小心.....之後zoom近影下有無蛋.............點知.......真係有！！.真係春分第一粒春！啊啊啊啊啊！！！！小生命呀！！！ 但之後我不停望…媽媽都無翻黎……開始擔心佢係咪棄蛋……擔心擔心擔心…不停研究下資料…半夜熄哂燈後不停出去係轉角度偷望…但成晚都無翻黎QQ…咩事呀呀呀呀…<<Day 2>>等左成晚……到今朝6點半左右…去偷睇………Oh Yeah！兩公婆都翻左黎~~~~~~安心了~~~~~之後我就去安心訓覺(無錯，天光先訓)~~~~到我醒左後再望，兩公婆依然係度Fu緊蛋~~~~~到傍晚時老公飛走左~老婆繼續Fu~~~~~~直到而家寫緊e篇文時都重Fu緊~~~~ 做左個小儀式去祈禱~希望生產順利~小生命快d出現啦~~~上網查左d資料：生左蛋之後，公母會交替式咁Fu蛋~而大約14-16日就會出世~出世後就會爸媽不停餵食，成長到14日左右就會跟爸媽離巢~之後大約重要另外14日佢地先會獨立進食到。之後再要多7日左右就會獨立。姐係成個過程都只不過係1個半-2個月既時間。好精彩。我會日日睇~寫下成長日記~不過應該無得不停開窗…所以應該只會有低清相…同埋我一定唔會插手。我怕一陣打亂左個自然規律。所以都係保持距離關愛觀察。千祈唔好掂。同埋我唔會日日寫文。只會間中寫下。用日子黎keep record。無計錯，4月3-5號就會出世啦~~~
