我上網搜豐胸療程，掃掃下就會掃到呢間叫Windland pro既美容院！不知有無人同我一樣都試過？亦都可以分享下心得，因為唔同分店唔同人招呼，所以體驗可能都唔一樣架！我唔係一竹竿打沉一船人！Windland pro官網入面除左豐胸療程之外仲有好多其他野做既......不過真正吸引我既係佢地有勁大隻字寫住有Windland pro服務左幾多個顧客，同埋做左幾多次療程，有幾多個正評！我上到官網既時候仲係520個客、252個正評同埋1k3次療程次數，唔知大家再上去睇係咪一樣呢？總之因為個數字唔高，令我覺得佢地都好實誠，所以預約左去試個皇牌磁叉升cup豐胸療程。講得係皇牌呀嘛！而且下面Q&A又令我覺得Windland pro係主力推呢個療程既！但注意返，佢地個療程唔係免費，有試做價138（不過因為太平都等同半賣半送）我同朋友講左佢叫我唔好去，一黎太平啦驚上到去會不停hardsell、或者用cheap cheap精華幫你做架，二黎就覺得咁平肯定偷工減料，唔會做曬佢官網講既全部steps啦！我真係好後悔無聽佢講！本身我睇Windland pro官網話做3-5次就可以有持久豐胸效果，咁我諗，上去試第一次計1次，咁只要做多3至5次就可以搞掂啦，其實我個心目中只想升一cup，如果last到半年都算贏！因為要求唔多，所以覺得唔需要去咩大美容集團，個啲應該好貴，我去下良心小店咪算囉，其實應該都係個啲機！就係呢啲無睇清楚就貪小便宜既性格害左我！我之後返去其實睇到網上有少少關於Windland pro既黑評，而家就等我黎添磚加瓦啦！一開始到Windland pro都正常，上到去打聲招呼之後顧問會帶我入佢房填下資料，咁填完就會同你傾下你最想改善咩問題呀、皇牌磁叉升cup豐胸療程個療程係點點點咩技術呀，咁其實本身都正路。但我明明係黎豐胸，佢就不停想將個話題扯落我好肥同我要減肥度......係，我認我係肥，但一黎無肥得咁緊要，我個體重好正常架！二黎我同好多香港女仔一樣都係梨型身材，即係下半身肥胖（鬼叫我地坐多過企咩！？）肥既位置都係肚腩、手臂同大脾內側，不過就從來都無諗過要減肥，一黎係減肥療程好似成效太小，做一、兩次根本睇都睇唔出，二黎就係肥既地方咁多，每次療程淨係做1 part，我做到破產都未做完喇！至少對胸一次過做曬，一個療程，唔會分左胸右胸收錢囉！Windland pro顧問講講下就叫個美容師入黎，但就唔開始做，而係開始一唱一和話我肥。每次講之前都話「你唔好介意呀」！我真係好想答佢我介意，我好介意，我黎呢度係試豐胸而唔係減肥我地可以開始未？其實去到呢個時候我就更加唔想除上身衫露腰露肚腩......不過黎都黎左都係要頂硬上！我唔知點解個Windland pro顧問喺美容師叫我除bra露波既時候都一直唔走......可能佢唔覺得老尷，但我攤係張床度淨係著條褲其實感覺都幾老尷，但又唔知點開口叫佢走。我心裡面諗熬埋呢個鐘，真係無下次，下次真係俾錢我都唔會黎Windland pro呀！但塗咩精華呀用咩磁叉按摩既過程中，Windland pro個顧問同美容師一直就唱雙簧，係咁sell我豐胸同我完全無興趣既減肥療程......真係好荒謬真係好誇張，但現實真係比做戲更誇張，我整個人都勁愕然又勁無奈，我一直話暫時唔考慮join，佢就一直問點解......真係好似鬼打牆咁。搞到我完全無心機無心力去留意究竟個胸部療程搞左啲咩，佢地話敷個咩咩全天然葛根精華落對胸度，搽左一陣就開始用磁叉......一用磁叉我就連自己本身想講咩都唔記得左！因為個美容師不時叉到一啲位好酸好痛，搞到我呀呀聲叫，係咁叫佢細力啲......跟住就比到位佢入，佢係咁話我淋巴塞左呀(定乳腺?)，好嚴重，堵住曬好腫漲，一次半次療程真係搞唔掂，係咁話最少都要4、5次啦，我淨係掛住阻止佢野野好勁咁戳落黎都無曬氣力應佢......不停驚下次好痛，又要叫佢輕力啲。x，佢竟然仲話如果咁細力就無效果架啦喎？我真係好辛苦先熬過佢個咩磁叉按穴位，之後Windland pro顧問唔知幾時出左去，個美容師無論講咩我都無咩應.....但真係feel到佢愈做愈hea，肯定就係嬲嬲豬，當一個人嬲或者討厭另一個人就唔會想掂佢，於是佢掂我對波既次數都突然驟降，求其按兩下就開始上胸膜.....個胸膜凍到我差啲心臟病發。與此同時佢根本無放棄係咁hardsell我，真係魔音貫腦，本身因為我有禮貌所以都會應和下佢，到之後我應都唔應佢，佢都自討沒趣跟住就出左門（係呀，完全都無同我講要敷幾耐）我本身都擔心佢會刻意唔理我，晾我係度凍親，個心本身都七上八下，結果佢無......我諗呢度好少房，所以佢都無辦法唔理我。抹完胸膜(都抹得幾求其，我真係想自己抹就算)就出左去.....我又比Windland pro個顧問捉入房由頭再sell到落腳，究竟我頭先講既野佢地有邊句聽唔明，點解會好似失憶咁又再sell我？佢地係唔接受我唔想減肥、無錢既答案，但係我都無辦法，我幫唔到佢地。仲話我對胸做完立即挺曬、大左，成個胸形靚曬......大佬，如果你咁hea做，個磁叉又做又唔做咁都可以豐胸到，我諗個磁叉可能係有咩魔法......或者個胸膜有魔法！但就算真係咁，佢地咁hardell，不停迫問我做咩唔買既態度我都唔會買！最後我都係走到，純粹係到左最後三個人都黑口黑面，真係好差好差既Windland pro豐胸療程體驗。皇牌磁叉升cup豐胸療程都唔知搽落對胸度係咩精華咩胸膜，我返去立即沖涼洗走左，費事搞到皮膚敏感！朋友因為呢件事笑左我好耐，但佢都話佢個表妹去左呢間好似幾得！叫PM！我俾百幾蚊就當教訓，其實條氣都唔係好順。好似貼錢上去windland pro 皇牌磁叉升cup豐胸療程買難受，而且差唔多聽左成個鐘兩條友一齊夾擊雙打Bobyshame我，每次諗起都覺得好嬲、覺得自己好鬼蠢，點會上呢種當！之後我學醒左！上去美容院試之前會睇下網上評價先，大家都千祈唔好懶呀！朋友雖然好無良心咁笑我，不過亦都推左我去另一間，叫Perfect medical既做B6豐胸療程，佢話係免費架，就算最後真係唔得都唔會肉痛！perfect medical呢間太出名我都有聽過，好多人上網同論壇問Perfect medical究竟有無用?Perfect medical係咪黑店?Perfect medical療程有用?Perfect medical療程推薦......我研究左兩日，一時見到有人話work就諗住去，一時見到負皮我又打消念頭，諗黎諗去，心思思真係好鬼折騰.....於是我把心一橫就決定去Perfect medical啦！死就死！同埋最重要係個地近係我，我一放工就可以過去（真係轉部lift既事）。咁Perfect medical鋪頭同待人接物個feel同小店唔一樣，唔會立即有人上黎馬實你，係要填完資料等一陣，但係都ok既，呢段時間我都係腦袋放空，enjoy下Perfect medical高層個無敵大海景囉。Perfect medical顧問接我入房既時候已經持住塊板，應該就預先睇左睇我既資料......入到房其實都無咩廢話，亦都未開始sell，係會首先做左個胸型分析先，集中量身同比你講下你覺得個胸有咩問題，想改善咩問題，咁佢地都會同你講返具體點改善，同埋有咩辦法幫到你......咁其實聽落除左個B6豐胸之外，Perfect medical仲有好多唔同療程架，好似膠原豐胸之類就係做激光（應該）。對比起我之前去做既豐胸療程，B6豐胸療程係比較基本同簡單既，日後如果有需要可以繼續on top加其他豐胸療程上去！B6豐胸療程無搞咩全天然精華呀、人手用工具按摩同胸膜盛盛，無咁多野玩，主要就係做機，直接做機。聽講係咩穴位豐胸美容儀，會好似兩個氹仔糕咁cup上我對胸度然後開始主動按摩同刺激穴位，有感覺，只係當然無磁叉野野叉落去咁勁，某啲位會覺得冤冤地，可能就係按摩到穴位或者按摩中某啲淋巴？整體會令你處於又舒服又唔係太舒服既狀態，有啲唔太驚痠痛、神經線比較粗既人可能都會訓得著，反正我就唔太得，但都未至於難受，總之......就係好微妙啦。大概30分鐘之後，我都覺得對胸已經按摩到好熱好軟既時候，美容師就會入黎拆機。係，佢地由頭到尾擺我係房比我靜靜休息，呢點值得一讚！（又或者美容師唔負責sell？淨係顧問負責？）出到去果然避唔到被Sell環節。不過比起之前個間windland pro ，呢間真係算正常，可能人地家大業大都唔在乎小小魚毛。我知道大家睇美容院report其實真係好care會唔會比人hardsell，有時候比療程效果仲care，哈哈哈哈，但我都好明。Perfect medical自然都係sell，不過係可接受個種，我覺得比起hardsell佢地係更想upsell，可能間間美容院唔同，佢地比我感覺係「我已經用左腦力同時間去根據你既問題砌左個適合你個療程，你快啲睇下啦！」咁樣。老老實實，一開始砌出黎個Plan睇落好正但真係太貴，但人地Perfect medical食鹽多過你食米，好快就已經狂cut大cut，將個豐胸療程plan左砌右併過砌到大概千幾蚊一次，包大概三、四個機同steps…….我覺得OK，最後我買左一個療程黎試下先。做左Perfect medical B6豐胸療程部機唔會話「哇立刻升左半Cup、1 Cup」咁誇張！但度身既時候的確係堅挺左、同埋乳頭又去返中間，同埋最大感覺可能就係肩頸同背脊都鬆左.....呢個一定係額外好處。到我著返個bra又的確係填滿左啲，我覺得呢個效果已經足夠令我買黎繼續試！ 如果你都想試下個Trial先，可以上佢地Perfect medical個官網望望：免費體驗B6升級豐胸療程
