hello~大家好！唔知道大家對於去暗瘡印有咩心得呢？好多女仔都會覺得痘印、凹凸洞呢啲好難搞，就算用咗美白精華都好，都唔係一時三刻就可以搞掂嘅皮膚問題......如果係一粒暗啡色嘅暗瘡印，單靠自己新陳代謝以及平時搽吓美白精華，大概都要起碼幾個月，粒暗瘡印先至會變淡少少.....如果年紀大咗，代謝又會越嚟越慢，咁去暗瘡印都會更加慢......其實要改善暗瘡印嘅問題，最好就係減少暗瘡嘅出現，因為一旦有暗瘡，就代表皮膚已經有傷口，皮膚一有傷口，就好容易會刺激到色素細胞分泌出黑色素，到時就算粒痘痘好返之後，都會有一撻啡色嘅暗瘡印......另外，痘印唔止得啡色，如果生暗瘡個陣，痘痘附近嘅血管出現增生，咁粒暗瘡印就會帶有紅色，甚至如果暗瘡傷口深入到真皮層嘅話，就會變成凹凸洞！不過講就咁講，有時真係好難避免啲暗瘡出現架嘛，萬一暗瘡好返之後搞到有暗瘡印，唔通只係得狂搽美白精華，或者等佢自己變淡呢兩條路？作為一個同暗瘡印「對抗」咗十幾年嘅過來人，我都收埋咗幾招對付暗瘡印嘅好方法嘅~今日就嚟同大家分享其中一招，就係去美容院打激光！可能你會疑惑：乜激光都可以去暗瘡印架咩？係呀！其實而家好多美容院都有專門去痘印嘅激光療程，有別於激光去斑，去痘印嘅激光療程係用咗唔同波長嘅激光，對暗瘡印嘅黑色素會更加有效果~而且仲可以刺激到真皮層增生膠原蛋白細胞，咁去凹凸洞都會同樣有好明顯嘅效果！但係而家咁多間美容院，究竟應該點揀好？大家唔洗擔心，我今次會同大家分享吓我試過覺得幾好嘅去暗瘡印激光療程，一共有兩間，各位可以睇完我嘅分享之後，再決定睇吓邊間啱自己，揀返適合嘅療程！療程一：CLEAN SKINCARE 去暗瘡印激光療程唔知呢到有幾多朋友有聽過CLEAN SKINCARE呢？坦白講，係未做佢地去暗瘡激光療程之前，我都未聽過「CLEAN SKINCARE」呢個名......因為CLEAN SKINCARE唔係連鎖式經營，佢地得一間舖頭係旺角，平時多數係facebook同google會見到佢地嘅廣告......當時之所以會揀去CLEAN SKINCARE做去暗瘡印激光療程，係因為上網係討論區，見到有人推薦CLEAN SKINCARE，話佢地服務唔錯，最緊要係唔hard sell(呢一點好吸引)！事關之前我實在係有太多上到美容院，狂被人Sell嘅經驗......而且CLEAN SKINCARE嘅所有療程價錢，都明碼實價咁寫清楚曬係官方網站，擺明係標榜「唔hard sell」同「明碼實價」！既然見到CLEAN SKINCARE啲價錢寫得清清楚楚，咁我都幾放心嘅~於是就約咗CLEAN SKINCARE個「$675試做兩項激光療程優惠」，其中一項就係去暗瘡印激光療程，另外一項我就揀咗「膠原再生面部激光療程」~試做當日上到CLEAN SKINCARE嘅舖頭，佢地服務都幾好，一坐低就有杯茶同埋比咗份form我填，不過舖頭等待區就細咗少少，有少少同其他客人「你眼望我眼」嘅感覺......填完form之後等咗10分鐘左右，有個CLEAN SKINCARE嘅顧問同事就帶咗我入一間房到，話先幫我做個膚質檢查，CLEAN SKINCARE顧問會用一部機影低皮膚狀況，再同我分析吓皮膚有咩問題需要處理......呢part我覺得都幾好，好似CLEAN SKINCARE個顧問會重點圈吓我有暗瘡印嘅位置，睇吓係咩類型嘅暗瘡印，推薦用邊款療程去解決~不過佢見我登記咗做「去暗瘡印激光療程」同埋「膠原再生面部激光療程」，CLEAN SKINCARE個顧問都冇再sell其他......傾咗15分鐘之後，就有個CLEAN SKINCARE嘅激光師過嚟，帶我去第二間房做療程~CLEAN SKINCARE個激光師幫我清潔好塊面之後，就用部tablet影低咗我素顏個皮膚狀況，之後再用水分測試機睇吓皮膚水分夠唔夠30%，因為CLEAN SKINCARE嘅標準係要皮膚有30%以上嘅水分先可以做激光療程，如果唔係做完之後，效果都唔係咁好，同埋好容易有皮膚泛紅、甩皮嘅問題......咁檢查完皮膚水分，CLEAN SKINCARE嘅激光師就正式開始打激光，打嘅時候都冇咩特別，唔會痛、唔會有被橡筋打嘅感覺，都feel到CLEAN SKINCARE嘅激光師幾細心咁全面打咗一次，打完激光之後，激光師會再幫我敷多一個補濕面膜，敷完之後就搞掂成個「去暗瘡印激光療程」lu~做完去暗瘡印激光療程之後，CLEAN SKINCARE激光師就會帶返我去顧問房，大致都係問吓用後感之類，成個過程都覺得CLEAN SKINCARE嘅職員幾nice嘅，顧問有係房講返「去暗瘡印激光療程」幾多錢~原來CLEAN SKINCARE呢到要買療程，多數都要3次咁買，價錢大約4千幾蚊起，有興趣嘅朋友可以上返CLEAN SKINCARE嘅官網，啲價錢都寫得幾清楚~但係我覺得去暗瘡激光療程始終係用激光，都唔會即刻有咩效果，所以我就話想再考慮一吓，咁CLEAN SKINCARE嘅顧問都冇再chur我，我出去reception比埋錢，之後就走得lu~係CLEAN SKINCARE嘅試做去暗瘡印激光療程體驗其實都唔錯，不過睇返療程效果方面，我就覺得係「敗筆之處」......返到屋企之後，我有認真咁照吓鏡，做完療程個日係覺得冇咩特別唔同，毛孔、暗瘡印、膚色都冇明顯改善......我諗可能要等新陳代謝排走黑色素之後，效果會好啲掛.......不過過多一個星期，我再比較下皮膚狀況，都覺得暗瘡印冇明顯嘅改善，啡色、紅色嘅痘印冇咩點減淡，凹凸洞亦冇平伏，唔通係因為我做得一次「去暗瘡印激光療程」而冇效？但係正常嘅激光療程，其實應該一次就會有效果，點都會有少少亮白、收細毛孔嘅效果，但我做完CLEAN SKINCARE去暗瘡印激光療程之後，又真係唔覺得有咩唔同，同未做之前好似冇乜分別咁......所以之後我都冇買到CLEAN SKINCARE成套去暗瘡印激光療程，既然覺得冇用就費事嘥錢lu……其實我上網都見到有人話CLEAN SKINCARE啲療程效果幾好嘅，不過可能唔啱我啦，如果有興趣嘅朋友們可以自己再考慮吓~療程二：New Beauty 去暗瘡印療程係試完CLEAN SKINCARE嘅去暗瘡激光療程之後，我都有睇吓有冇其他美容院有差唔多嘅去暗瘡療程，之後就被我見到New Beauty係Facebook到賣廣告，佢地嘅去暗瘡印療程做緊免費試做優惠，聽落個名同CLEAN SKINCARE個「去暗瘡印激光療程」又幾似(笑)，於是就去New Beauty官網到睇睇究竟去暗瘡印療程係咩嚟......New Beauty嘅去暗瘡印療程同樣都係用咗激光能量去色素嘅原理，激光唔止可以打散色素，仲可以刺激膠原蛋白增生，所以New Beauty呢個去暗瘡印療程仲可以一次過平伏埋凹凸洞嘅問題~New Beauty同CLEAN SKINCARE唔同嘅地方，就係New Beauty第一次試做係完全免費，一樣都係上網登記，揀好日期、時間同地點之後就會收到確認短訊~booking當日我就去到New Beauty係旺角嘅分店，一入到去已經覺得New Beauty舖頭嘅間隔好闊落，尤其lobby位仲有梳化坐，個感覺好寬敞，一啲都唔侷促~同樣都係登記同填form，等咗5分鐘左右，就有一位美容顧問過嚟帶我入顧問房~入顧問房要做嘅野同樣都係做皮膚狀況分析，一樣都可以係個mon到睇返自己嘅皮膚狀態，係電腦分析之下，無論有咩皮膚問題真係完全「無所遁形」，New Beauty嘅顧問除咗圈起我有暗瘡印嘅位置之外，仲特別highlight邊啲位置有凹凸洞，同埋有邊啲位係有啲深層暗瘡印~雖然未必肉眼睇得到，但其實啲黑色素存在咗係皮膚底層，過多一排就會浮面架啦！New Beauty嘅顧問同我講，除咗表面嘅暗瘡印之外，佢地嘅去暗瘡印療程連一啲肉眼未必睇到嘅暗瘡印都可以一次過K.O.，咁就可以有效預防到暗瘡印不停浮面，做到「真正」去暗瘡印~聽New Beauty嘅顧問講完之後，佢就會帶我去治療房，正式開始做去暗瘡印療程~New Beauty嘅治療師會先幫我做咗皮膚清潔先，之後再影一影素顏相，用嚟做Before and After嘅對比圖~然後佢就真係開始打激光，打落塊面都都唔係好痛，不過感覺上比起係CLEAN SKINCARE做激光療程就勁少少，特別係我下巴位比較多暗瘡印，打到落下巴個陣，會有少少吉吉地嘅感覺~New Beauty嘅治療師全面打咗一次之後，會再重點係我有暗瘡印同凹凸洞嘅位置兜圈打多幾次，最後敷多個補濕gel mask就搞掂啦！清潔完之後，New Beauty嘅治療師會帶返我去顧問房，New Beauty嘅顧問會用部tablet同我follow up返療程嘅效果同用後感等等，仲會講幾樣護理注意事項，好似返屋企之後要日日敷補濕mask、唔好用熱水洗面、唔好用果酸住等等，仲話大約過一星期左右，暗瘡印就會開始減淡，呢段時間可以飲多啲水，促進返新陳代謝~感覺上New Beauty嘅顧問都真係幾pro，無論你問佢地咩問題，佢地都會答到你，而且絕對唔係hea答，會根據返你嘅皮膚狀態同需要，再建議返啱你皮膚嘅方法比你~仲有一點，New Beauty同CLEAN SKINCARE一樣，都係屬於唔hard sell嘅美容院，雖然唔係所有療程嘅價錢都寫曬出嚟係網站，不過佢地都有標明某啲療程只要$1,888就有10次！好似我今次試做嘅去暗瘡印療程咁，免費試做完之後想join package嘅話，10次療程都只係$1,888！圍返起嚟$200唔洗就有一次，比起坊間好多激光療程都仲要平！但係有幾平都好，都要睇吓New Beauty去暗瘡印療程有冇用嘅，冇用嘅話，無論有幾平都只係嘥錢......係做完New Beauty嘅去暗瘡印療程之後，其實我即埸就影返張After嘅相，睇得出比起未做之前，啲暗瘡印真係淡咗少少，就連整體膚色都均勻咗、亮白咗~本來我以為可能係環境燈光影響，不過我返到屋企之後，認真照鏡睇吓，發現膚色真係光咗，膚質都細緻咗，真係有打完激光之後，皮膚變得細緻咗個種效果~總結：激光去暗瘡印邊間好？係時候嚟返個小小總結，我做過CLEAN SKINCARE同New Beauty兩間嘅去暗瘡印療程，坦白講，兩間嘅服務質素我覺得差唔多嘅，同樣都係唔hard sell、明碼實價，而且都覺得佢地嘅staff幾專業，唔會hea做treatment~至於效果同價錢方面，CLEAN SKINCARE嘅試做優惠係$675一次，雖然唔係貴，不過我就覺得做完之後冇咩減淡暗瘡印、撫平凹凸洞嘅效果，感覺上好似做咗等於冇做咁......相反，係New Beauty做去暗瘡療程就係完全免費，之後再join就係$1,888有10次，性價比幾高！雖然做療程個陣，feel到會有少少吉吉地，但係做完一次就即刻見到皮膚亮白咗，而且暗瘡印淡咗少少，雖然凹凸洞冇咩明顯效果，但以免費療程嚟講，我已經非常滿意！以上就係我試過嘅兩款去暗瘡印激光療程嘅分享，個人嚟講會比較推薦New Beauty嘅去暗瘡印療程，有大家興趣嘅話，可以去登記佢地嘅免費體驗架！ 免費體驗：New Beauty 去暗瘡印療程
