《久違了》 港女呢個星期又回港了，原本係因為要去飲，所以順便偷小小時間catch up catch up，另外港女的媽媽因為一個小中風所以就一定要回來看看吧，感恩媽媽情況不是十分太過嚴重，已經出院了。 一落機就去了探媽媽，見到媽媽都很精神行得走得，個心都安樂一點，媽媽話橫掂港女係度就想我車佢去拎d野，所以就車佢去，平時多數都會係車度等媽媽，但可能因為媽媽岩先出院無耐，所以陪媽媽一齊行，唔知點解，一落車好想拖住媽媽，唔係扶住或磅住咁簡單，係真係想拖實媽媽隻手。 走到樓梯時，媽媽用雙手扶住扶手行，大概應該係媽媽平時上樓梯都係用雙手扶實既習慣，跟住我再次伸手比媽媽，所以媽媽就一隻手扶住扶手，一隻手拖住我，媽媽的手好暖嫁，令我諗起細個冬天個時媽媽會成日拖一拖我隻手睇下我夠唔夠暖，如果我手凍媽媽就會擔心我唔夠暖，同時亦recall左港女原來對上真係拖住媽媽既手已經係好耐好耐既事啦，真的久違了，感覺好溫暖同時再次提醒港女媽媽老了。 可能係怕醜？忙？唔醒起要珍惜？唔知呀，亦唔想用作理由或藉口，大家有時間每日光幾分鐘拖下自己媽媽隻手或打去同佢傾下計，記住要珍惜。 圖片來源：google
