《新加坡教育》 今日港女見到網上有報導有關新加坡教育部新政策，所以有感而發，因為好多人都鍾意拎新加坡既教育同香港比較，好多人一味話新加坡既教育好，但我從來無聽過好係邊，最多聽過話新加坡讀書英文好同輕鬆，「英文」呢家野港女已經係較早既post講過，新加坡學既係「星文」唔係「英文」錯曬啦，醒下啦喂。港女忍唔住要重複一次，係，佢地係識聽識講，如果你唔介意你既仔女長大後係星音既就得啦！ 好啦，至於輕鬆，港女有另一種睇法，因為港女工作既地方係一座商業大廈，有好幾層都係一d兒童教育中心，每日早上返工就見到好多家長有佢地既兒童去「教育」兒童既年齡層係講緊2-6歲，呢d都係自由性質去報，咁其實有幾輕鬆？ 好多人批評「港孩」或「怪獸家長」講到係香港受教育一定差乜乜乜...香港教育令到有好多「怪獸家長」同「港孩」出現，但其實係新加坡「星孩」同「怪獸」一街都係。 另一方面，港女覺得教育唔單止係書本知識上學既野，品德都係一種教育，講到品德，其實「星孩」唔會輸好多或有過之而無不及。港女每一朝都同「超級BB車」搏鬥，牛高馬大既「兒童」起碼3-4歲仲坐緊BB車，而咩係「超級BB車」？就係分前中後座，最前坐一個1-2歲，中間坐一個3-4歲，後面就大包小包既兒童用品，BB帶？有既，不過BB車多好多，點解？因為「星孩」同「怪獸家長」都矜貴呀，坐車兒舒服嫁嗎，家長推咪輕鬆過咩BB囉。跟住就全世界有小朋友就大曬，無品無禮貌，明明架lift無位，死迫爛迫，又唔管好小朋友，任佢地係架BB車度郁黎郁去，尖叫，爆喊，周圍踢.......問題既根本已經唔在於教育政策，而無家庭教育，身教，即使係新加坡政府cut曬呢考試都好，學生教得幾多？只要一日有「怪獸」一日都要返「教育中心」 講到再大d中小學既「兒童」放學就係條街流連，奔跑，大聲說話，無禮貌.....等等既問題，根本就唔係政府或政策既問題，而係國家既文化，係，無錯，小考試係舒服好多，但停一停諗一諗既就係你唔教壞佢，佢呢同學品德會傳比佢，高傲自大既討厭性格會感染佢......所以唔想讓自己既小朋友留港授教育既千萬不要選擇新加坡。完 圖片來源：網上圖片
