《粉撲專用清潔劑》 雖然話呢個專頁係分享港女新加坡生活,但港女這次回港買到好野都忍唔住要分享一下。 港女其實一直都唔明點解粉撲要洗?又點解要用專用既野去洗?點解唔可以用落妝水去洗?加上港女很懶惰,莫講話洗粉撲,妝都唔想落⋯ 但今次港女回港發現呢枝係$12店的粉撲專用清潔劑,見佢平平地又made in Japan,個粉撲又用左好耐,就買黎試下,用法係先不用濕水,直接倒清潔劑係個粉撲度,之後輕輕力卒佢,開頭只見泡泡有小小變粉底色,亦唔覺個撲有明顯洗甩粉底既跡象,心諗:車,咁就比人呃左$12,就諗住沖水啦,點知神奇既事就發生,一沖水用力一壓個撲,大量既粉底沖出黎,之後個撲就好似新既一樣,真係嘩一聲。可能有其他product都有呢個效果,但呢枝野只係$12,洗完個撲仲有玫瑰花香味,抵呀。 Please follow my facebook page 新加坡港女