《新加坡隊穿牆嘔血Working Style》 港女主要是來新加坡工作的，今天就說一下新加坡的working style，其實我可以用一個字黎形容，就是「嘔血」，對於生活慣在香港，相比新加坡是比較慢，或者你可以說是輕鬆，由其實港女是做IT的，IT其實慢不得呢......其實很多人對IT這個字就是電腦，所以很多時候介紹自己做邊行之後，別人都會話「哦，攪呢電腦野」或者 「哦，做上網個d」又或者「哦，整電腦既」其實以上三個通通不是...所以有時候港女連解釋都費事吧 IT，每一間公司都需要IT的，因為其實身邊好多野都關IT事的，而IT亦係每一間公司重要既一環，但心痛的是，去到邊都總有公司其他部門同事話「嘩，都唔知點解要請咁多IT人」或者「班IT人都唔知做乜既」其實我未入行前都有咁諗過，但入行黎發現其實IT係很複雜同好偉大既部門。⋯⋯ 例如，零售業，你呢scanner，barcode 無IT你「嘟」咩呢？你呢e payment點做呢？去銀行排隊啦 航空公司，無IT，你去旅行社買排隊買機票啦。 工廠，無IT，你估真係穿膠花呀姐就得？對住幾十萬甚至乎幾百萬既inventory，只係靠一個人兩隻手就ok? 酒店，旅遊，教育種種都涉及IT，加上科技愈黎愈快同多，慢小小，你公司就比其他公司落後 正因為咁，很多公司既IT部乜都想快，特別係銀行，金融。亦有聽過新加坡既IT係好好，佢地有好多專門教IT既學校，所以港女係得知有機會被派到新加坡工作真的很興奮，因為對港女黎講係一個很好發展同學習既機會。 懷著興奮既心情第一天上班，先去了解他們的日常工作，認識同事，但發現他們的IT team叫做MIS team “Management Information System” 「下」？咩黎嫁？後來才發現原來呢個名係約20年前用黎稱呼IT的，OMG（港女腔please）有無攪錯呀，香港已經無人再用呢個名，我是坐左4小時飛機姐，不是時光倒流回到過去吧 再加上同事既對答，我懷疑他們有沒有讀過IT。而且他們的time management 差同零process，（IT是很需要process的）以上都不是重點，重點是他們高高在上，高人一等，自大狂妄，有其中一個同事仲話自己有3年IT經驗，以前係新加坡政府度做野，港女心諗：Well（又黎港女腔）但你宜家係report比我wor，邊有人咁6+1嫁 另一個就仲叻叻，三句唔埋兩句就問我得到CEO宣布我lead呢條team未，當下港女就好似「唐白虎點秋香」入面既「隊穿牆」嘔十九幾兩血，其實呢......我已經簽左約返緊工，開曬會介紹曬......咁仲有假既？你係咪無聽書？其實你地咁叻既話，你地老闆點解要用香港人黎睇住你地呢～完 所以奉勸咁多位，如果你想黎新加坡做野或送你既子女到新加坡讀書，請～三～思～ 多謝收看，如果你喜歡請給我分享我的專頁新加坡港女
