《前往新加坡預備 - 運狗香港篇》 回想番港女預備到新加坡的日子,真是打仗一樣...要預備運送個人物品同三隻小狗,港女養的三隻都是貴婦狗,兩隻係前主子不要的,第三隻是愛協領養的。 好!讓我分享一下運狗狗的過程,如果大家要都想帶小狗離境可以參考一下,是次到新加坡,大約要一個月時間預備(各地規矩不同,要注意)⋯⋯ 由於新加坡對不同國家入口狗隻要求不一樣,還好香港是乙級國家,因為沒有瘋狗症,所以要求不算太嚴格。 首先,三隻小狗都要有有效狗牌同瘋狗症針卡,一般每次續狗牌都會補打瘋狗症針,所以問題不大,之後要做驗血,到任何獸醫同佢講要驗rabies就ok,血液樣本要送到英國做化驗,係,你無聽錯,係英國,係走唔甩的 約要3星期驗血報告就會返黎,免疫指數高過0.5就合新加坡要求,我三隻狗狗都有2以上,所以就過左一關了,記得記得要留住驗血報告呀,因為兩年後回港都有用的,否則狗狗又要驗多次。 等報告期間就可以去買個籠,各航空公司要求不同,請自行問下你選用的公司,但一般都是狗狗能夠企直,能轉身,籠底有格,有水樽就可以。一隻狗一個籠,除非你能夠証明兩隻狗有親戚關係(真心笑了),因為職員表示要有証明書,一般你在買狗的時候都有機會有,因港女的狗狗是收養所以沒有了(忘了提一下,就是港女頭兩隻狗是媽媽同仔仔) 之後就要係新加坡登記入口permit同狗牌,用黎比佢地入境同居留用的,都可以網上做到,之後你要定好出發日子,因為接下來做的所有事都要「睇住日子做人」因為新加坡要求小狗出發前4天內要到醫生度打瘋狗症針加強劑同要由醫生餵食杜蟲同滴頸,要醫生填寫文件同簽署,所有文件都從網上download就可以了,建議一早到醫生,因為去完醫生就可以去漁農署申請出口紙,要一個工作天。 拎埋漁農署文件就完成了。今次港女用國泰cargo送我三隻小狗,睇左自己想坐邊班機就打去cargo check下有無位同幫佢地登記,confirmed 就可以打電話去新加坡book埋驗狗就可以,預早book新加坡個邊就免費的,如果到步check就每小時收費。 之後你就可以預備心情等出發,當日要在航班起飛前最小4小時到國泰cargo,職員會睇文件,磅重,收費,之後就暫時同狗狗講bye bye啦 我還記得當日真的好擔心 下回再跟大家分享到步篇 多謝收看,如果你喜歡請給我讚一下和分享我的專頁 點擊圖片放大 +3